Oblys ákimdigi veterınarııa basqarmasynyń basshysy Baqyt Betbaevtyń aıtýynsha, zalalsyzdandyrý jumysy úsh kezeńge josparlanǵan. О́ńirdegi 46 eldi meken Kongo-Qyrym qyzbasynyń tabıǵı oshaǵynda ornalasqan. Osy jyly 24392 qora jaı (kólemi 5,7 mln sharsha metr) men 168 myń sharsha metr býferlik aımaqqa, barlyǵy 580 myń bas aýyl sharýashylyǵy janýaryna zalalsyzdandyrý jumysy júrgizilmek. Sáýirde bastalǵan jumystyń ekinshi jáne úshinshi kezeńi tamyz-qyrkúıek aılarynda jalǵaspaq. Qolǵa alǵan isti der kezinde iske asyrý úshin jetkilikti kólemde qajetti dári-dármek satyp alynǵan.
Basqarma basshysy keltirgen derekke sensek, jyl basynan beri kene shaqqan adamdardyń qan synamasy alynǵan. Olardyń analız taldaýlarynyń nátıjesi teris nátıje kórsetken.
«Zalalsyzdandyrý jumysy sapaly oryndalýy tıis. Bul jumystyń nátıjesin kúndelikti zerdelep otyramyz», deıdi Jambyl oblysynyń ákimi Erbol Qarashókeev.
15 sáýirden bastap jaýapty qyzmetkerler oqýshylarǵa keneden saqtaný joldaryn túsindirýdi qolǵa almaq. Sondaı-aq mal bazarlary men qasaphanalardaǵy sanıtarlyq normanyń saqtalýy da jaýapty tulǵalardyń baqylaýynda bolmaq.
