Foto: ile-tany.kz
2025 jylǵy aqpanda agenttikte bes qazaqstandyq banktiń balansynda búginde 1,5 trln teńgege jýyq memlekettik kómek bar dep habarlady. Mysaly, 2017 jyldan 2020 jylǵa deıin bank sektorynyń qarjylyq turaqtylyǵyn arttyrý baǵdarlamasy aıasynda ǵana Ulttyq bank alty EDB-ge 700,5 mlrd teńge bóldi.
Bankterdi retteýdiń úsh satyly júıesin engizý usynylady:
- kúsheıtilgen qadaǵalaý;
- qarjylyq turaqtylyqty qalpyna keltirý rejımi;
«Árbir saty kelesi satyǵa kóshý úshin trıggerler júıesin, retteýshiniń is-qımyly men bank tarapynan kútiletin qadamdardy qosa alǵanda, zańda aıqyndalǵan. Osylaısha, banktiń qarjylyq jaı-kúıiniń nasharlaýynyń alǵashqy belgileri kúsheıtilgen qadaǵalaýǵa jáne qalpyna keltirý josparlaryn ózektendirýge ákeletin bolady. Odan ári nasharlaǵan kezde qosymsha sharalardy qoldaný múmkindigimen qarjylyq turaqtylyqty qalpyna keltirý rejımi jandandyrylatyn bolady. Sońǵy kezeńde tólem qabileti joq dep tanylǵan bank ýaqytsha ákimshilikti engizý jáne ómir súrý qabilettiligin baǵalaýdy júrgizý arqyly retteletin bolady», dep atap ótti QNDRA.
Jańa zań bankterdi qalpyna keltirý boıynsha, al retteýshini tólem qabileti joq bankterdi retteý josparlaryn qurý jáne jańartý boıynsha josparlardy ázirleýge jáne jańartýǵa mindetteıdi. «Júıeli mańyzdy bankterge olardyń turaqtylyǵy men shyǵyndardy sińirý qabiletin arttyrý maqsatynda qoıylatyn talaptardy kúsheıtý mańyzdy element bolyp tabylady. Jańalyq jaǵymsyz ssenarıı jaǵdaıynda memlekettik qarajatty paıdalanýdy barynsha azaıtýǵa múmkindik beredi. Tutastaı alǵanda, memlekettik qarajatty paıdalaný aıryqsha jaǵdaılarda jáne júıelik mańyzy bar bankterge ǵana qatysty júzege asyrylatyn bolady. Mundaı shara qarjy júıesi úshin eń az jaǵymsyz saldary bar problemalyq bankterdi retteý úshin memlekettik kómekti qoldanýdy kózdeıdi», deıdi QNDRA-da.
Bankterdi retteýdiń jańa júıesinde barlyq memlekettik organdardyń ókilettikteri naqty aıqyndalatyn bolady. Mindetterdi bólý tıimdi jáne ýaqtyly den qoıýdy qamtamasyz etý, táýekelderdi azaıtý jáne salymshylardyń múddelerin qorǵaýdy kúsheıtý úshin qajet.
