Ashy sýdyń áleginen erli-zaıyptynyń arasynda janjal shyqqan. Kúıeýiniń ózine qol salýy múmkin ekendiginen qoryqqan áıel kórshisiniń úıine qashyp ketken. Biraz ýaqyttan soń, kúıeýi esin jınaǵan shyǵar dep oralsa úıdiń otqa oranyp bara jatqanyn kóredi. Esi shyqqan áıel dereý ýchaskelik ınspektor Qadyrbek Isınge habarlaıdy. Shuǵyl «Jedel járdem» men «órt sóndirý» qyzmetin shaqyrǵan ınspektor ózi dabylyn bezildetip janyp jatqan úıge jetedi.
Úıde adam baryn bilgen ol aıal qylmaı ottyń ortasyna kirip, esinen tanǵan 42 jastaǵy úı ıesin alyp shyǵady. Bul ýaqytta jedel járdem de jetip, er adamǵa alǵashqy kómekterin kórsetken. Sóıtip ınspektor bir adamdy ólimnen alyp qaldy. Al órt sóndirýshiler úıdegi otty óshirgenimen tilsiz jaý kóp shyǵyn keltirdi. Ot sóndirilmegen temekimen mas kúıinde uıyqtap qalǵannan shyqqan degen qorytyndy jasaldy.
