Bul – qarapaıym smartfonnyń mıkrofony arqyly júrek qaǵysyn nebári 7 sekýnd ishinde jazyp alyp, jasandy ıntellektiniń kómegimen júrek aýrýyn 96% dáldikpen anyqtaıtyn ınnovasııalyq joba. Eń qyzyǵy – bul úshin arnaıy medısınalyq qural-jabdyqtar, sym nemese dárigerdiń kómegi qajet emes.
Sıddart – Oracle men ARM kompanııalarynan jasandy ıntellekt salasy boıynsha resmı sertıfıkat alǵan álemdegi eń jas maman. Onyń oılap tapqan tehnologııasy AQSh pen Úndistanda 15 myńnan astam adamǵa synaqtan ótkizilip, joǵary tıimdiligin dáleldegen.
Jas daryn ıesiniń eńbegi eskerýsiz qalǵan joq. Burynǵy AQSh prezıdentteri Barak Obama men Djo Baıden oǵan arnaıy alǵys hat joldasa, Úndistannyń Andhra-Pradesh shtatynyń basshysy N. Chandrababý Naıdý Sıddartpen jeke kezdesip, qoldaý bildirdi.
Sıddart Nandıalanyń jetistigi – jasandy ıntellektiniń medısına salasyndaǵy múmkindikterin ǵana emes, ǵylymǵa erte jastan bet burǵan órenderdiń áleýetin de aıqyn kórsetedi.
