Tómengi Taıyntyda tynyǵady

Shyǵys óńirinde «Úmit» balalar úıiniń tárbıelenýshilerine arnalǵan jazǵy lager ashyldy. Tómengi Taıyntyda ornalasqan «Patshalar jazyǵy» lageri jýyrda kúrdeli jóndeýden ótken bolatyn. Sondyqtan demalys orny maýsymnyń ár kezeńinde 150 baladan qabyldaı alady. Jazdyń alǵashqy maýsymynda munda sondaı-aq, Almaty qalasynyń №2 «Altyn uıa» balalar úıiniń 20 tárbıelenýshisi de demalýda. Jazǵy lager barlyq oqý­shy­lardyń sapqa turǵyzylyp, mem­lekettik Týdyń kókke kóteri­lýi­men saltanatty túrde ashyldy. – Sizder, bıyl jazǵy maý­sym­dy óńirimizdegi eń kórkem jerde ótkizip qana qoımaı, ja­ńa dostar tabasyzdar, den­saý­lyq­taryńyzdy ny­ǵaı­ta­syzdar. Ob­lys basshylyǵy sizderdiń jaqsylap tynyǵyp, jańa oqý jy­lyna úlken kúsh-qýatpen ke­lýlerińizge barlyq jaǵ­daıdy jasap otyr, – dedi lagerdiń ashylýymen quttyq­taǵan oblys ákiminiń orynbasary Jaqsylyq Omar. Jańa maýsymnyń tusaý­ke­serine oraı uıymdastyrylǵan konsertte «Úmit» balalar úıiniń jas talanttary men «H-Faktor» shoýynyń jeńimpazy, «Úmit» balalar úıiniń túlegi Evgenıı Vyblov óner kórsetti. Almatylyq «Altyn uıa» balalary jańa dos­taryna óz qoldarynan shyqqan erekshe kartınalar men panno syılady. Keshkilik balalar oıyn oınap, alaý jaǵyp, án aıtty. Oblystyq bilim basqar­masynyń habarlaýynsha, Shyǵys Qazaqstan oblysy men Almaty qalasynyń ákimdikteri arasynda qabyldanǵan memorandým aıasynda «Patshalar jazyǵy» balalar lagerinde jaz boıy almatylyq «Altyn uıa» balalar úıiniń 90 tárbıelenýshisi demalady. Dýman ANASh, «Egemen Qazaqstan». Shyǵys Qazaqstan oblysy, Ulan aýdany.