Oqıǵa kelesideı órbigen: belgisiz bireý jábirlenýshige telefon shalyp, ózin «Qazpochta» qyzmetkeri retinde tanystyryp, úıine jetkiziletin tapsyrys týraly habarlaǵan. Eshqandaı tapsyrys bermegenine qaramastan, jábirlenýshi alaıaqtyń sózine senip, oǵan kelgen SMS habarlamasyndaǵy qupııa kodty aıtyp bergen.
Birneshe mınýttan keıin ózin «Ulttyq bank» qyzmetkeri retinde tanystyrǵan belgisiz bireý qońyraý shalyp, alaıaqtardyń onyń atyna nesıe rásimdegenin habarlaǵan. Sodan soń ol esepshotyndaǵy aqshany saqtap qalý úshin túrli bank esepshottaryna aqsha aýdarý kerektigin aıtqan. Nátıjesinde, jábirlenýshi jalpy somasy 10 482 000 teńgeni quraıtyn aqshasyn alaıaqtarǵa aýdaryp bergen.
Qazirgi ýaqytta polısııa qyzmetkerleri atalǵan fakti boıynsha tergeý amaldaryn júrgizip jatyr.
Polısııa azamattardy telefon arqyly túsken kúdikti qońyraýlarǵa senbeýge jáne eshbir jaǵdaıda úshinshi tulǵalarǵa qupııa aqparattardy, sonyń ishinde SMS kodtaryn aıtpaýǵa shaqyrady. Eger sizge kúdikti qońyraý tússe, dereý baılanysty úzip, quqyq qorǵaý organdaryna habarlasyńyz.
Ulytaý oblysy
