Qaıǵyly oqıǵa búgin tańǵy saǵat 5:30 shamasynda Qaraǵandydan 25 shaqyrym jerde bolǵan. Toyota Alphard júrgizýshisi rýlge ıe bola almaı qalyp, kólik shuńqyrǵa aýdarylǵan.
Saldarynan eki jolaýshy alǵan jaraqattarynan oqıǵa ornynda kóz jumdy.
«Atalǵan fakti boıynsha qylmystyq is qozǵalyp, onyń aıasynda qajetti saraptamalar taǵaıyndaldy. Qazirgi ýaqytta oqıǵanyń mán-jaıyn anyqtaý maqsatynda jedel-izdestirý sharalary júrgizilip jatyr», dep habarlady Qaraǵandy oblysynyń polısııa departamentinen.
Tártip saqshylary júrgizýshilerden tas joldardaǵy jyldamdyqty saqtaýdy suraıdy.
