Jıynǵa qatysýshylar óńirlik qaýipsizdiktiń ózekti baǵyttary, onyń ishinde terroızmge, ekstremızmge, radıkaldaný úrdisine jáne transulttyq uıymdasqan qylmysqa qarsy is-qımyl máseleleri jóninde pikir almasty.
Taraptar Ortalyq Azııanyń ekologııalyq jáne sý-energetıkalyq qaýipsizdigin qamtamasyz etý baǵytynda ózara yqpaldastyqty jandandyrý máselesin talqylady.
Sondaı-aq kún tártibinde Ortalyq Azııa óńirindegi kólik qaýipsizdigin qamtamasyz etý jáne aımaqtyń tranzıt-kólik áleýetin damytý úshin ortaq kúsh-jiger jumyldyrý máselesi qarastyryldy.
Qaýipsizdik Keńesi hatshysy Ǵızat Nurdáýletov áriptesterine atalǵan máseleler boıynsha elimizdiń ustanymyn jetkizdi. Sý-energetıka salasyndaǵy yntymaqtastyqty damytýǵa baılanysty birqatar usynys aıtty. Halyqaralyq terrorızmniń syn-qaterlerine jáne ekstremıstik ıdeologııanyń taralýyna tosqaýyl qoıý tıimdiligin arttyrý maqsatynda belsendi aqparat almasý qajet ekenin atap ótti.
Kezdesý qorytyndysy boıynsha hattamaǵa qol qoıyldy. Qujatta taraptar óńirlik qaýipsizdikti nyǵaıtý jolyndaǵy ózara yqpaldastyqtyń naqty baǵyttaryn belgiledi.
