Depýtattardyń talqylaýyna Memleket basshysynyń 2023 jylǵy 1 qyrkúıektegi «Ádiletti Qazaqstannyń ekonomıkalyq baǵdary» atty Qazaqstan halqyna Joldaýyn iske asyrý aıasynda ázirlengen zııatkerlik menshik máseleleri boıynsha zań jobasy birinshi oqylymda qaraý úshin engiziledi. Úkimet ázirlegen zań jobasynda zııatkerlik menshikti qorǵaý men onyń quqyqtaryn qamtamasyz etý, zııatkerlik menshikti damytýǵa qolaıly jaǵdaı jasaý, ınvestısııalar tartý jáne kreatıvti ekonomıkany damytý úshin qosymsha quqyqtyq quraldar qarastyrylǵan.
Sondaı-aq jalpy otyrystyń kún tártibiniń jobasyna depýtattardyń bastamasymen ázirlengen orman sharýashylyǵy jáne erekshe qorǵalatyn tabıǵı aýmaqtar máseleleri boıynsha zań jobasyn birinshi oqylymda qaraý usynylady. Depýtattyq túzetýler sýarmaly aýyl sharýashylyǵy alqaptaryn, aýyl sharýashylyǵy, bıologııalyq, ırrıgasııalyq-melıoratıvtik jáne balyq sharýashylyǵy salasyndaǵy ǵylymı zertteý jáne oqý oryndarynyń tájirıbelik alqaptarynyń, sondaı-aq orman jáne sý qorlarynyń jerlerin erekshe strategııalyq mańyzy bar sý sharýashylyǵy qurylystary men sel, kóshkin, laı kóshkininen qorǵaý qurylystaryn salý jáne paıdalaný úshin alyp qoıýǵa ruqsat berýdi kózdeıdi.
Sonymen qatar aýyldyq eldi mekenderdiń jáne áleýmettik, ınjenerlik ınfraqurylym nysandaryn ornalastyrý maqsatymen erekshe qorǵalatyn tabıǵı aýmaqtardyń jerlerin, ınjenerlik jáne kommýnaldyq qamtamasyz etý jelileriniń kommýnıkasııalaryn salý úshin memlekettik orman qorynyń jerlerin basqa sanattaǵy jerlerge aýystyrýǵa ruqsat berilmek.
