Ekonomıka jáne kommersııa mınıstriniń orynbasary Iskender Asylqulov 2006 jyly Qyrǵyzstan men Qazaqstan úkimetteri arasynda tórt pansıonatty jańǵyrtý shartymen qazaqstandyq tarapqa berýdi kózdeıtin kelisimge qol qoıylǵanyn eske saldy.
Bul Bosterı kentindegi «Samal» demalys úıi men «Ýnıversıtet» sporttyq-saýyqtyrý lageri, Cholpon-Atadaǵy «Qazaqstan» shıpajaıy jáne Korýmdý aýylyndaǵy «Olımp» sporttyq-saýyqtyrý ortalyǵy memlekettik kásipornynyń sporttyq-saýyqtyrý bazasy. Bul rette, Asylqulov atap ótkendeı, bul qujatta qazaqstandyq taraptyń talaptary men jaýapkershiligi egjeı-tegjeıli jazylǵan joq.
2009 jyly pansıonattar ornalasqan jer ýchaskelerin Qazaqstanǵa 49 jyl merzimge jalǵa berý týraly qosymsha kelisim jasaldy.
2023 jyly qazaqstandyq taraptyń jaýapkershiligi bóliginde kelisimniń sharttary qaıta qaraldy, al 2024 jylǵy jeltoqsanda 2006 jylǵy kelisimge ózgerister engizý týraly hattamaǵa qol qoıyldy.
Jańa qujatqa sáıkes, Qazaqstan nysandardy rekonstrýksııalaýdy 2029 jyldyń 31 jeltoqsanyna deıin aıaqtaýǵa mindettenedi.
Atap aıtqanda: «Qazaqstan» shıpajaıy tórt juldyzdy qonaq úı deńgeıine deıin, «Ýnıversıtet» jáne «Samal» - úsh juldyzdy qonaq úı deńgeıine deıin jańǵyrtylýy tıis, «Olımp» tolyqqandy sport bazasy bolyp qaıta qurylýy tıis.
«Eger bul sharttar bes jyl ishinde oryndalmasa, nysandar shyǵyn óteminsiz Qyrǵyzstannyń menshigine qaıtarylady», - dep túsindirdi qyrǵyz sheneýnigi.
Ol sondaı-aq buǵan deıin kelisimde Qyrǵyzstan azamattarynyń qaıta qurý úderisine qatysýy kózdelgenin atap ótti. Bastapqyda jumysshylardyń 80 paıyzy qyrǵyzstandyqtar bolýy tıis dep boljanǵan, alaıda engizilgen ózgeristerden keıin bul úles 90 paıyzǵa deıin ulǵaıtyldy.
Qazaqstan úshin bazalardy qalpyna keltirý jáne týrızmdi damytý mindeti tur. Sharttyń talaptaryna súıene otyryp, Qazaqstan pansıonattardy retke keltirý mindetin ózine alady. Barlyq nysandar jóndelip, úsh-tórt juldyzdy sanattaǵy qazirgi zamanǵy qonaq úıler deńgeıine deıin qaıta jabdyqtalýy tıis.
Sonymen qatar, olar tek jaz aılarynda ǵana jumys istemeı, jyl boıy týrısterdi qabyldaýǵa tıis.
Iаǵnı, ǵımarattar jylytylady, ınfraqurylym jaqsarady, qosymsha jaılylyq paıda bolady, al demalystyń ózi eki eldiń azamattary úshin yńǵaıly ári qoljetimdi bolady.
Qazaqstan da osy nysandardy kútip ustaý men damytýǵa jaýap beredi jáne eger ol kelisim sharttaryn oryndamasa, onda pansıonattar Qyrǵyzstannyń baqylaýyna qaıtyp oralady.
Pansıonattar Ortalyq Azııanyń eń tanymal kýrorttyq óńirleriniń birinde ornalasqan.
Jyl saıyn kóptegen qazaqstandyqtar taza aýany, jyly sýdy jáne kóldiń tabıǵı sulýlyǵyn tamashalaý úshin Ystyqkólge demalýǵa attanady.
