Zerde • 21 Sáýir, 2025

Injenerlik týrnırde Qazaqstan oqýshylary 6 marapat ıelendi

0 ret

kórsetildi

1 mın

oqý úshin

Hıýstondaǵy (AQSh) FIRST Championship 2025 halyqaralyq ınjenerlik týrnırinde Qazaqstan quramasy úsh jas sanaty boıynsha rekordtyq nátıje kórsetti. Atalǵan bilim báıgesine 110 elden 50 myńnan astam oqýshy qatysqan, dep habarlaıdy Egemen.kz.

Shyńǵys MUQAEV

Injenerlik týrnırde Qazaqstan oqýshylary 6 marapat ıelendi

Fotolar: Oqu-agartu ministrligi

Oqý-aǵartý mınıstrliginiń baspasóz qyzmetiniń málimdeýinshe Qazaqstan namysyn 7 komanda qorǵady. Joǵary sanatta (12-18 jas) Almaty qalasyndaǵy Nazarbaev Zııatkerlik mektebiniń PID komandasy elimiz tarıhynda tuńǵysh ret jarystyń fınalyna ótip, eki marapat ıelendi – Motivate Award Winner jáne Division Finalist Award. Atalǵan mekteptiń CRISTABOL komandasy tehnıkalyq jáne tehnıkalyq emes daǵdylardyń úzdik úılesimi úshin beriletin eń bedeldi marapat – INSPIRE Award-ty jeńip aldy.

Sana Team (Almatydaǵy Bilim-ınnovasııa lıseıi) jáne Jeltoqsun (Qaraǵandydaǵy «Murager» mektebi) komandalary robottar oıyny boıynsha 258 komandanyń ishinen TOP-20 qataryna endi.

Orta sanatta (10-16 jas) – FIRST LEGO League Challenge týrnırinde Astana qalasyndaǵy «Skillset» mektebiniń SKILLSET komandasy Champions Award nomınasııasy boıynsha fınalıst atandy. Qaraǵandydaǵy «Murager» mektebiniń RASSLEXX komandasy Coopertition Award Winner marapatyn jeńip aldy.

Kishi sanatta (6-10 jas) – FIRST LEGO League Explore boıynsha Pavlodar qalasyndaǵy «Satýrn» mektebiniń ATLANTIS komandasy Team Model Award marapatyna ıe boldy.

gov.kz