Aksııany depýtat bastady

О́ńirlik «Mektepke jol» qaıyrymdy­lyq sharasy bıyl ádettegiden eki apta buryn bastaldy. Mundaı bastamaǵa ob­lystyq máslıhattyń depýtaty, Aqmola temirjol bólimshesiniń dırektory Ramazan Aıǵaıbekov uıytqy bolǵanyn aıtqan jón. Balalarǵa bazarlyq úlestirý saltanaty «Nur Otan» partııasy oblystyq fılıalynyń ǵımaratynda ótti. Depýtat, «Nur Otan» partııasynyń múshesi óz saılaý okrýgindegi az qam­tyl­ǵan otbasylardyń úıinde bolyp, jaǵ­daılaryna qanyǵyp otyrýdy daǵdyǵa aınaldyrǵan. Olarǵa materıaldyq qana emes, tıisti quqyqtyq keńester berilýde. Temirjolshylar №12 orta mektep pen «Ertóstik» balabaqshasyn sheftik kómekke alǵan. Sondaı-aq, Sandyqtaý balalar úıiniń asyǵa kútetin qonaǵy retinde konserttik baǵdarlamalar uıymdastyryp, qajetti qolǵabystaryn tıgizip otyrady. Búgingi «Mektepke jol» sharasynyń aldaǵy kezde de jalǵasyn tabatynyn aıtqan Ramazan Aıǵaıbekov, bıyl birinshi ret mektep tabaldyryǵyn attaıtyn alty balaǵa qalam-qaǵaz toltyrylǵan portfelder men mektep formasyn tapsyrdy. «Nur Otan» partııasy oblystyq fılıaly tóraǵasynyń birinshi orynbasary Ǵalym Bekmaǵambetov te qaıyrymdylyq sharasynan qalys qalmaı, óz atynan ekinshi synyp oqýshysy Tımýr Aqtaevqa sport­tyq ­forma men aıaq kıimder tapsyryp, qýanyshqa bóledi. Ata-analar atynan Sholpan Tantaeva men Galına Mıtrova alǵys sezimderin bildirdi. Baqbergen AMALBEK, «Egemen Qazaqstan». Aqmola oblysy.