Bıyl Qazaqstan quramasy jalpy alty marapat ıelenip, elimiz úshin rekordtyq nátıjege qol jetkizdi. Qaraǵandydan bólek, elordalyq, almatylyq jáne pavlodarlyq jas ınjenerler de joǵary jetistikterge jetti. Mundaı deńgeıdegi nátıje – Qazaqstan tarıhyndaǵy alǵashqy jetistik bolyp otyr.
«Murager» mamandandyrylǵan mektep-lıseı-ınternatynyń Jeltoqsun komandasy robottar oıyny boıynsha 258 komandanyń ishinen úzdik jıyrmalyqqa endi. Al osy mekteptiń taǵy bir komandasy Core Values Coopertition Winner nomınasııasynyń chempıony atandy», dep súıinshiledi oblystyń bilim basqarmasynyń baspasóz qyzmeti.
Bıylǵy chempıonatqa álemniń 110 elinen kelgen 50 myńnan astam oqýshy qatysty. Olardyń barlyǵy ǵylym, tehnologııa, ınjenerııa jáne matematıka salasyndaǵy bilimderin ortaǵa salyp, ınnovasııalyq jobalaryn qorǵady.
Aıta keteıik, ótken jyly qazaqstandyq oqýshylar álemdik olımpıadalarda jeńiske jetkeni úshin 5,5 mıllıon teńge kóleminde qarjylaı syıaqy alǵan bolatyn. Bıylǵy nátıjeler – elimizdiń bilim berý salasynda júıeli damý men jas býynnyń ǵylymǵa qyzyǵýshylyǵy artyp kele jatqanynyń aıqyn dáleli. Qazaqstannyń jas ónertapqyshtary men ınjenerleriniń álemdik deńgeıde moıyndalýy – bolashaqtaǵy iri jańalyqtar men jetistikterdiń bastaýy ekeni aıqyn.
