Memleket basshysynyń «Kitap oqý mádenıetin qoǵamda barynsha ornyqtyrýymyz kerek», degen sózi zııaly qaýymnyń kóńilinen shyqty. Bul úrdisti qarapaıym halyq ta qoldap otyr. О́ıtkeni tehnologııalyq órkenıettiń jalt-jult jarnamasy sál basylyp, ár otbasy urpaq tárbıesi degen úlken máselege alańdaı bastaǵan.
«Biz keıingi 30 jylda kitap oqýdan aıyrylyp qalyp edik. Qoǵamdaǵy kóptegen jaǵymsyz qubylystyń sebebin men sodan kóremin. Adamǵa aldymen keregi – bilim, saýat, parasat, uly tárbıe. Munyń barlyǵy – kitapta. Sondyqtan bul mereke, kitap meıramy – óte kerek mereke», deıdi aqyn, Memlekettik syılyqtyń laýreaty Aqushtap Baqtygereeva.
«Bizdiń Batys Qazaqstan oblysynda búgin 356 kitaphana zaman talabyna saı qyzmet kórsetedi. 25 kitaphana jańartýdan ótip jatyr. Iаǵnı óńirde oqıtyn qoǵam qalyptastyrý úshin barlyq jaǵdaı jasalǵan. Kitap – rýhanı qazyna, bilim men tárbıe quraly. Aqparattyq tehnologııa qansha damysa da, kitap oqý árqashan trendte bolýy kerek. Kitapqumar jandar qatary kóbeıe bersin!» dedi Abaı eskertkishi janynda jınalǵan halyq aldynda sóz sóılegen Batys Qazaqstan oblysy ákiminiń orynbasary Qaıyrjan Meńdiǵalıev.
Dına Nurpeıisova kóshesiniń boıynda, el-jurt «Arbat» dep atap ketken jaıaý kóshede ótken is-sharaǵa halyq kóp jınaldy. О́ńirdegi qalamgerler, ǵalymdar, ólketanýshylar da osy jerde bas qosty. Oblys ortalyǵyndaǵy eń úlken Juban Moldaǵalıev atyndaǵy oblystyq ortalyq ámbebap ǵylymı kitaphana, Hamza Esenjanov atyndaǵy oblystyq balalar men jasóspirimder kitaphanasy, zaǵıp jandarǵa arnalǵan oblystyq arnaýly kitaphana, Oral qalalyq kitaphanasy barlyq fılıalymen birge jumylyp, kitap merekesiniń kórigin qyzdyryp jiberdi. Kórmege Mahambet pen Jáńgir han atyndaǵy jáne ınjenerlik tehnıkalyq ýnıversıtetterdiń ǵylymı kitaphanalary óz oqytýshy-ǵalymdarynyń jazǵan túrli ǵylymı eńbekterin de ákelgen. Kóshe boıynan «Atamura» korporasııasynyń «Jáńgirhan» kitap dúkenin, «Kitapal» dúkenin, «Otbasy hrestomatııasy» kitaptaryn usynǵan «Zerek» oqý ortalyǵynyń saýda sórelerin de baıqadyq. Eń ǵajaby, qazaqy naqyshtaǵy syrt kıimderimen áıgili «Aıkerbez» ulttyq kıim jáne qolóner ortalyǵynyń shapan-jeleńderin kıgen sulý qyzdar da qolyna kitap ustap, «Adamdy adam etken – kitap, adamzat etken – kitaphana» (Ábish Kekilbaev) ǵajap qazynany nasıhattap júrdi.
Jańa meıramnyń bel ortasynda kitaphanashylar júrgenin aıttyq qoı. Shynynda da kitaphanashylar qaýymy keıingi kezde kitapqumar balalar, oqyrman otbasylar kóbeıgenin baıqapty.
«Kitap qalashyǵy» alleıasynda jańa ádebıetter men jergilikti basylymdardyń kórmesi, sheberlik synyptary, kitap dúkenderiniń jármeńkesi, ulttyq oıyndar alańy, bookcrossing, kitap defılesi, ádebı-mýzykalyq quiz, ádebı non-stop, jastar men balalarǵa arnalǵan alańdar uıymdastyryldy. Hadısha Bókeeva atyndaǵy Qazaq drama teatrynyń ártisteri somdaǵan Abaı, Juban, Qadyr beıneleri kelýshiler nazaryn aýdardy.
Mereke aıasynda kitaphananyń eń úzdik oqyrmandary, eń belsendi otbasylar jáne kitaphana seriktesteri marapattaldy.
Batys Qazaqstan oblysy
