Oqıǵa ornynda túsirilgen vıdeolar áleýmettik jelide jarııalandy.
Redaksııa túsinikteme alý úshin Jambyl oblystyq polısııa departamentiniń baspasóz qyzmetine habarlasty.
«2025 jyldyń 22 sáýirinde saǵat 15:44 shamasynda Qazybek bı men Áıtıev kósheleriniń qıylysynda Golden Dragon avtobýsynyń 59 jastaǵy júrgizýshisi 48 jastaǵy júrgizýshi basqarǵan Zhong Tong avtobýsymen soqtyǵysty. Jol apaty saldarynan 11 jolaýshy medısınalyq kómekke júgindi, biraq aýrýhanaǵa jatýdan bas tartty», - dep habarlady polısııa agenttikke.
Bul fakti boıynsha 59 jastaǵy júrgizýshi QR Ákimshilik quqyqbuzýshylyq týraly kodeksiniń 610-baby «Kólik quraldary júrgizýshileriniń adam densaýlyǵyna zııan keltirýge ákep soqqan jol qozǵalysy erejelerin buzýy» boıynsha jaýapkershilikke tartyldy.
