Nan – berekeniń kórsetkishi

Robottar taǵam ázirleıdi

Kompanııada ISO 9001 halyqaralyq standarttary men NASSR qaǵıdattary negizinde ázirlengen biriktirilgen menedjment júıesi jumys isteıdi. Zamanaýı jabdyqtary bar tehnologııalyq zerthana shıkizat, jartylaı fabrıkat jáne daıyn ónimderdiń sapasy men qaýipsizdigin qatań baqylaıdy. Bólshek saýda bóliminiń ókilderi «Aqsaı nan» assortımenti 300-den astam pozısııadan turatynyn, al kombınat táýligine 150 tonnadan astam ónim shyǵaratynyn atap ótti.

Bir ereksheligi – fırmalyq dúkender barlyq ónimdi kombınat baǵasymen satady. Mundaǵy nan ózge dúkendermen salys­tyrǵanda 20%-ǵa arzan. Ekinshi mańyzdy jaıt – fırmalyq dúkender men kafeterııler biriktirilgen. Bul tájirıbe Eýropanyń gastro­no­mııa­lyq ındýstrııasynan alynǵan, onda kafeterııler kóbine iri azyq-túlik pen ámbebap dúken­der­de uıymdastyrylady. Mun­daı sheshim klıentterge jańa pi­sirilgen taǵamdardy sol jerde tutynýǵa ári tolyq tamaq­tanýǵa múmkindik beredi.

«Aqsaı nan» kafeterııiniń sońǵy noý-haýynyń biri – taǵam daıyndaý úderisin robottandyrý. Robot álemniń eń tanymal taǵam­da­rynyń quramyn este saqtap, óndiriste emin-erkin paıdalanady. Sonymen qatar nan kom­bınaty «Damý» qorynyń kóme­gi­men nan pisiretin sehtardy jańartyp, avtomattandyrý úlesin arttyrǵan.

Nan men jemis dámi ıntegrasııalanady

Aldaǵy ýaqytta «Aqsaı nan» Shymkent qalasynda zaýyt ashýdy josparlap otyr. Qazir negizgi qurylys jumystary aıaqtalyp, kúrdeli jabdyqtardy jetkizý jáne jóndeý bastalǵan. Kásiporyn assor­tımentinde nan, toqash, oıyq toqash jáne kondıterlik ónim­der­diń 320-dan astam túri bar.

Búginde «Aqsaı nan» kúnine 150 tonna daıyn ónim shyǵ­a­ryp, 1 000-nan astam adamdy jumys­pen qamtamasyz etip otyr. Sondaı-aq kompanııa 10 dúken men ashanalary bar fılıaldardy baqylaıdy.

Kombınatta óndiris úderi­sine ınnovasııalardy belsendi engize­tin zamanaýı tehnologııalar bó­limi jumys isteıdi. Kompanııa ǵylymı-zertteý zerthanalarymen yntymaqtastyq ornatqan. Kásiporyn ónimderdiń qaýipsizdigi men sapasynyń joǵary standartyn rastaıtyn shıkizat pen daıyn ónim óndirisin baqylaýǵa erekshe nazar aýdarady. Ijener-tehnolog Álııa Ahatqyzynyń aıtýynsha, «Aqsaı nan» ónimderi arysy bıdaı, berisi un, ashytqy, maıy men tuzyna deıin otandyq azyq-túlik ónimderinen daıyndalady. Tipti nan kombınaty janynda nan ashytqysynyń birneshe túrin daıyndaıtyn qosymsha sehtar jumys isteıdi. Bul «Aqsaı nannyń» birneshe shaǵyn sehtyń basyn qosyp otyrǵan kompanııa­lar toby deńgeıine kóterilip qalǵanyn bildirse kerek.

«Biz Tashkent, Máskeý tehnologtarymen udaıy tájirı­be almasamyz. Jyl saıyn kemi ondaǵan túr men dám jańar­tylady. Tutynýshy talǵamy Almatynyń aýa raıyndaı qu­by­­lyp turady. Birde piste dá­nin jaqsy kórse, birese kebek dánine basymdyq beredi. Keıingi kezderi júgeri, qara­qu­myqtan tarttyrylǵan unnan daıyn­dalǵan nandar kóbirek sura­nysta. Buryn kebek jarmasy aralasqan nan túri suranysta bolsa, qazir trend basqa. Jastar jaǵy alma, banan, órik dámi bar nan túrin izdeıdi, tort qura­­myndaǵy un mólsheriniń ba­ryn­sha az bol­ǵanyn qalaıdy. Piste dáni ara­lasqan nan túri de suranysqa ıe. Bizge belgili jemis túrlerin nan dámimen ıntegrasııalaýǵa tyrysamyz. Áleýmettik sanattaǵy nan túrine suranys kóp bolǵandyqtan kúnine 60-70 tonnasyn pisiremiz. Sodan keıin tilikti baton túri de suranysqa ıe. Sondaı-aq baget nanynyń eki túri daıynda­lady. Biri joǵary sortty bıdaı uny bolsa, ekinshisi qara bı­daı unynan pisirilgen «Boro­dınskaıa» dep atalatyn nan túri», deıdi Álııa Ahatqyzy.

Nan naryǵyndaǵy báseke joǵary

Qoımadan jetkizilgen júz­de­gen tonna un kezeń-kezeńi­men qazan­dyqqa túsedi. Bir qa­­zan­dyqta bir mezgilde 250 kılo qamyr da­ıyndalady. Nan qura­myna qajetti ashytqy, maı, tuz mólsherin adam emes, robot belgileıdi eken. Qazandyqta ıi qanyp, ashytqy qosylǵan qamyrdyń 2 saǵattan keıin dámi til úıiretin san alýan formadaǵy nanǵa aınalǵanyn kóz­ben kórdik.

Nan pisirý sehynan keıingi bar­laý jumystary Rabıla Balta­keldıeva basqaratyn daıyn ónim­der bóliminde jalǵasty. «Aq­saı nan» kombınatynda pisken nan túriniń barlyǵy osy sehtan shyq­qan boıda Almaty dúken­derine jiberiledi. Munda eki mez­gil­dik jumys aýysymy beki­til­gen.

«Nan naryǵy – básekeniń ortasy. Almatyda bizden ózge, ha­lyq­tyń yqylasy úshin qııamet­tiń qyl kópirinen ótýge daıyn tur­ǵan 40 shaqty jekemenshik naý­baıhana jumys isteıdi. Qalǵyp ketseń naryqtaǵy úlesińnen aıy­ry­lyp qalý op-ońaı. Qala orta­lyǵyndaǵy dúkenderdiń tańǵy saǵat 8-de peshten jańa shyq­qan nandy qabyldap alýy – qalyp­ty jaǵdaı. Biz úshin ha­lyq­­tyń talaby, suranysy, tal­ǵamy bız­nesimizdiń ómirin uzar­týǵa berilgen múmkindik», deıdi maman.

ALMATY