Oblys ákiminiń orynbasary Ǵalymjan Eleýovtyń tóraǵalyǵymen ótken jıynǵa prokýratýra men basqa da memlekettik organdardyń ókilderi qatysty.
Oblystyq PD bastyǵy Abaı Júsipovtyń aıtýynsha, 2025 jyldyń basynan beri óńirde 440 jol-kólik oqıǵasy tirkelip, 655 adam zardap shekti, 15 adam qaza tapty. Apattyń kópshiligi respýblıkalyq jáne halyqaralyq mańyzy bar avtojoldarda bolǵan.
Jol qozǵalysy erejelerin buzýdyń aldyn alý aıasynda 29 stasıonarlyq jáne 21 mobıldi quqyq buzýshylyqty tirkeý júıesi qoldanylady, olardyń kómegimen 2 myńǵa jýyq buzýshylyq anyqtaldy. 20 myń shaqyrymǵa jýyq avtojolǵa tekserý júrgizildi, onyń qorytyndysy boıynsha buzýshylyqtardy joıýǵa 893 uıǵarym shyǵaryldy, 97 laýazymdy jáne zańdy tulǵa jaýapkershilikke tartyldy.
Polısııa ortasha jyldamdyqty ólsheý júıelerin engizýdi, maldyń trassalarǵa shyǵýyn boldyrmaý úshin qorshaýlar ornatýdy, júrgizýshilerdiń uıyqtap ketýine jol bermeý úshin shý jolaqtaryn uıymdastyrýdy usyndy.
Vedomstvo málimetinshe, bul sharalar apattylyqty azaıtýǵa jáne oblystyń qala syrtyndaǵy joldaryndaǵy qaýipsizdik deńgeıin arttyrýǵa baǵyttalǵan.
