Yntymaqtastyqty keńeıtedi

Eurasian Resources Group S.a.r.l. (ERG) jáne «Sberbank Rossıı» AAQ XIX  Sankt-Peterbýrg halyqaralyq ekonomıkalyq forýmynyń sheńberinde jańa kelisimderge qol jetkizdi. Tıisti kelisimderge ERG S.a.r.l. menedjerler keńesiniń tóraǵasy Aleksandr Mashkevıch pen «Sberbank Rossıı» AAQ basqarma tóraǵasynyń birinshi orynbasary Maksım Poletaev qol qoıdy. Bul qujat joǵary senimdilikti jáne taraptardyń sońǵy jy­l­dar­da birge júrgizgen jumys­tary­na qanaǵattanýdy, sonymen qatar uzaq merzimdi stra­tegııa­lyq yn­ty­maq­tastyǵyn damytý nıe­tin kórse­tedi. Qujattyń negizgi tar­maq­tary­nyń biri – ERG qoldanystaǵy mindet­temelerdi 6 jylǵa deıin uzartý nusqalaryn qaraý bolyp otyr. ERG – tabıǵı resýrstardy óndi­rý jáne óńdeý salasyndaǵy álem­degi eń iri kompanııalardyń biri. Inves­tısııalyq ári qarjylyq qyzmet salasynda qarjylyq jáne konsýl­tasııalyq qyzmetterdiń keń aýqym­daǵy jańa tehnologııalarymen ózin-ózi qamtamasyz etýge qabi­letti. «Sberbank Rossıı» AAQ kompa­nııasynyń erekshelikterin eskere otyryp, sondaı-aq bıznesti damytý boıynsha jańa jobalardy júzege asyrý jaǵdaıynda jeke sheshimderdi jáne básekelestikke qabiletti sharttarda qyzmet sharttaryn ázirleýge daıyn. Aleksandr Mashkevıch qol qoıý rásimi týraly túsiniktemesinde bylaı dedi: – Uzaq ýaqyt boıy «Sberbank Ros­sıı» Eurasian Resources Group-tyń eń mańyzdy áriptesteriniń biri bolyp tabylady jáne osy jyldar ishinde keshendi banktik qyzmetterdiń eń joǵary standart­taryn kórsetedi. Osy yntymaq­tas­tyqtyń jalǵasy men keńeıýi ózara joǵary senimge negizdelgen. Bul qadam – bizdiń bıznesimizdiń pozıtıvti damýynyń salmaqty belgisi. Ol ERG basqarý ádisterin men quraldaryn únemi jetildiretin Top retinde odan ári qarjylyq turaqtylyǵyn jáne tıimdiligin arttyrýǵa yqpal etedi. «Egemen-aqparat».