Eshkimdi alalamaı barlyǵyna bir el dep qarap, barsha ultty teń sanap, bir halyqqa balaǵan, elimizde neshe túrli jaǵdaılar bolyp jatsa da bir taǵdyrǵa baılanǵan el retind tatý tátti ómir súrip kele jatyrmyz. Bir kórshimizde tóńkeris bolyp, endi bir kórshimiz san túrli dúrbeleńdi bastan ótkerip, jatsa da elimizde tatýlyq pen turaqtylyq týy jyǵylǵan emes. Munyń barlyǵy árıne elimizdiń damýyna, ulttar dostastyǵynyń saqtalýyna yqpal etip kele jatqan tulǵalardyń arqasy ekeni daýsyz.
Solardyń biri - ult janashyry, kásipker Dınara Berdimurat. Sońǵy jyldary ár saladaǵy isker, el janashyryna aınalǵan azamattardy marapattap, túrli nomınasııalar taǵaıyndap, elge qyzmet etýge yntalandyryp, «Batyr shapaǵaty», «Altyn júrek», «El janashyry» nomınasııalaryn ótkizip júrgen batyr qyz jaqynda tipti «300 qaıratker» kitabyn da shyǵaryp úlgerdi. Atalmysh kitapta elimiz Táýelsizdik alǵan jyldardan bastap elimizdiń túrli salasynda qyzmet etip júrgen myqty tulǵalar jınaqtalǵan. «Eńbek eri» de, qyryq jyldyq eńbek ótili bar ustaz da, myńdaǵan adamdy ajal tyrnaǵynan arashalaǵan dáriger de, tipti áleýmettik jelide halyq nazaryn aýdarǵan erekshe mamandyq ıeleri men sportshy da bar.
Qansha jerden árkim ózi úshin mamandyq tańdap, ózi úshin eńbek etedi desek te, ózin el damýy jolynda arnap, eńbegin adal atqaryp júrgen jandardy marapattaý olardy basqalarǵa úlgi etip qana qoımaı, motıvasııa da bereri anyq! Sondyqtan qazirgi tańda «Batyr shapaǵaty», «Altyn júrek», «El janashyry» syndy marapattaý keshterine dán rıza mamandyq ıeleri jeterlik. Olar odan ary eńbek etip, tipti birigip qaıyrymdylyq sharalaryn uıymdastyryp, halyqqa qol úshin sozýdy da jolǵa qoıyp keledi. Sonyń aıǵaǵy el ishindegi talaı ıgilikti sharada Dınara hanym marapattaǵan tulǵalardyń qoltańbasy bar. Munyń barlyǵy aınalyp kelgende Dınara Berdimurat hanymnyń uıytqy bolýymen júzege asyp otyr.
Osy oraıda qaı ult ókili ekenin qaramastan, barsha tulǵalardy áreketine saı elep eskerip kele jatqan, marapattap, memleket damýy jolynda adal eńbek etip kele jatqan azamattardy yntalandyryp otyrǵan Dınara Berdimurattyń «Qazaqstan halqy Assambleıasyna 30 jyl» merekelik medalimen nagradtalýy oryndy aq! Memleket basshysy Qasym-Jomart Toqaevtyń ózi tóraǵasy bolyp otyrǵan Qazaqstan halqy Assambleıasynyń merekelik medali Prezıdenttiń bastamasymen el ishindegi tatýlyqty, birlikti nasıhattaýǵa yqpal etip otyrǵan jandarǵa buıyryp otyr. Sondyqtan osynaý qurmetke laıyq jandardyń marapaty qutty bolsyn! Táýelsiz Qazaqstannyń damýy men gúldenýi, damyǵan elderdiń qataryna qosylýy jolynda basqalarǵa úlgi bola berińizder!
