Qaraǵandy erteńi osyndaı

Basqa basqa, meken etkenimizge qyryq jyldaı bolyp qalǵan Qaraǵandynyń kóz aldydaǵy ózgerisi ózimizdi de tańdandyrmaı turmaıdy. Ásirese, sońǵy jyldardaǵy ózgerýin ǵajaıyp qubylysqa teń kórinis pe dersiz. Al sáýletshilerdiń jańa jobalary boıynsha odan saıyn shyraılana túspektigi bólek bir áńgimege arqaý bolady. Qazirgideı qıyn kezeńde bul múmkin be! Qala ákiminiń orynbasary Taıhan Qalmahanovtyń aıtýynsha, múmkin eken. Daǵdarys ótedi de ketedi. О́mirlik ister jalǵasa beredi. Sonyń ishinde qurylys qarqyny saqtalyp qana qoımaı, damýyn jańǵyrtý shahar keleshegin kemel etýge bastaıdy. Memlekettik kómekpen birge ulttyq kompanııalar men myqty ınvestorlar qoldaýy arqyly osyǵan arnalǵan bas josparǵa sáıkes aldaǵy ýaqytta keskin-kelbeti tanyǵysyzdaı kórkeımek deıdi. Bul jolǵy is-joba álemdik sáýlet óneriniń jaýharlarynan kem túspes zamanaýı úlgidegi ásem de záý­lim ǵımarattar qataryn kóp­tep tú­zeýge baǵyttalǵan. Bular qala­nyń ońtústik-shyǵys jáne Maı­qu­dyq bóligi aralyǵyndaǵy ázirge ashyq aımaqty kórki kóz tartar­lyq or­taǵa aınaldyrady. Osy tustan tur­ǵy­zylatyn qazirgilerden de bıik «Trı­lıstıka» turǵyn úı kesheni jergilikti sáýletshilerdiń talǵampaz izdenisin beıneleıtin bolsa, qaptaldasa boı kóteretin bes juldyzdy meımanhana, saýda-saýyq ortalyǵy, balalar men jasóspirimder saraıy sán jaras­tyrady. Al taıaý arada esik ashqaly otyrǵan «Dostyq» úıiniń ózindik ajary da aıshyqty bolmaq. Qaıta jaınap-jasarýdaǵy Qa­ra­ǵandynyń keleshegi osyndaı. Aıqyn NESIPBAI, «Egemen Qazaqstan».