Qazirgi tańda atalǵan yqsham aýdanda 9 qabatty 18 kredıttik turǵyn úı salynyp jatyr. Onyń on úshiniń qurylysy byltyr bastalǵan. Jyl sońyna deıin paıdalanýǵa beriledi dep josparlanyp otyr. Al qalǵan 5 úıdiń qurylysy jazda aıaqtalady.
Bıyl oblysta jaldamaly turǵyn úılerdi satyp alýǵa respýblıkalyq bıýdjetten 2 mıllıard teńgeden astam qarjy bólingen. Buǵan 149 páterdi satyp alý kózdelgen.
Oblys ákimi Qaraǵaıly yqsham aýdanynda salynyp jatqan turǵyn úılerdi aralap, merdigerlerge qurylysty merziminde ári sapaly aıaqtaýdy tapsyrdy.
«Semeı qalasynda 14 myńnan astam adam baspana kezeginde tur. Sondyqtan turǵyn úı qurylysynyń qarqynyn arttyrýymyz kerek. Qaraǵaılyda salynyp jatqan 18 úı myńdaǵan otbasynyń baspanaly bolýyna múmkindik beredi. Biz bul baǵyttaǵy jumysty jalǵastyra beremiz», dedi aımaq basshysy.
Abaı oblysy
