Sýretti túsirgen – Erlan OMAR, «EQ»
Qatysýshylar arasynda «Hyundai WIA», «CHIRON Group SE», «KAMAZ», «QazTehna», «Bodor», «XT Laser», «Robentex», «ISCAR Kazakhstan», «Zoller», «KAPP NILES», «IGM Robotersysteme», «Guhring», «WeldExpert», «SMWAutoblok», «Linsinger Maschinenbau» jáne basqalar óz ónimin usynyp otyr. Birinshi kezekte Germanııa, Túrkııa, Aýstrııa, Italııa, Qytaı elderiniń ulttyq ekspozısııalaryn atap ótken jón. Germanııa sóresinde Saksonııa men Tıýrıngııa federaldy shtattarynyń ujymdyq stendteri, sondaı-aq ártúrli salaǵa arnalǵan joǵary tehnologııalyq sheshimderi bar jetekshi nemis kompanııalary tur.
«Mashına jasaý – eldiń ónerkásiptik áleýetiniń negizi, tehnologııalyq progrestiń draıveri jáne ulttyq ekonomıkany qoldaý. О́ńdeý ónerkásibi qurylymyndaǵy salanyń úlesi 19%-dy quraıdy» degen Ersaıyn Naǵaspaev salanyń turaqty ósim kórsetip otyrǵanyn aıtty. Máselen, ótken jyldyń qorytyndysy boıynsha kórsetkishter 9,7%-ǵa ósken. Bıyl 16%-dyq ósimdi qamtamasyz etý úlken maqsat bolyp otyr. Kórme ortalyǵynda Sý ındýstrııasynyń «Su Arnasy – Water Expo» XIV halyqaralyq mamandandyrylǵan kórmesi men «Ondeu EXPO» V halyqaralyq óńdeý ónerkásibi kórmesi de uıymdastyrylǵan. Anyǵynda, «Ondeu EXPO» metallýrgııa, mashına men aspap jasaý, qurylys pen hımııa materıaldarynyń óndirisi, agroónerkásiptik keshen salasyna arnalǵan sheshimder men jabdyqtardy jetkizýshilerdi biriktiredi. Kompanııalar otandyq ónerkásiptiń ónimdiligin, ornyqtylyǵy men tehnologııalyq táýelsizdigin arttyrýǵa baǵyttalǵan ázirlemelerdi usynady.
Sharaǵa «Vogelsang», «ANDRITZ», «CNP», «ARC», «QA-Plast», «VodEcoFilter», «Invest Continent», «ETEK», «SAS», «Aquatoriya-Aktobe», «ATE», «Riza Global» jáne basqa da kompanııalar qatysty. Kórmeni jyl saıyn san túrli salanyń myńdaǵan mamany tamashalaıdy. Kórme sońy forýmǵa ulasty. Onda mashına jasaýdy damytý jónindegi keshendi jospardy iske asyrý isi, sala damýyndaǵy sheteldik seriktesterdiń róli, sondaı-aq ónerkásipti robottandyrý men sıfrlandyrýdaǵy ózekti úrdister, mashına jasaýǵa kadr daıarlaý sharasy talqylandy. Negizgi óndiristerdi damytýǵa, temirjol, aýyl sharýashylyǵy, munaı-gaz mashınasy men avtomobıl jasaý salasynyń keleshegine erekshe nazar aýdaryldy.
