Endi ekinshisi mamyr aıynda paıdalanýǵa berilgeli otyr. Jalpy, zaýyttan taǵy bir elektrpoıyz shyǵady. Serııalyq qatarǵa engende 20 elektrpoıyz shyǵarý kózdelgen.
EPZD dep atalǵan bul poıyzdar «Railways Systems KZ» málimetine qaraǵanda kelesi qurammen shyǵady: birinshi poıyz alty vagon, sonyń alǵashqy ekeýi – 3-klasty ýnıversaldy, dárethanalary bar vagondar. Bularda jolserikterge de arnaýly kýpeler qarastyrylǵan. Úsheýi 3-klasty motorly vagondar jáne bireýi 3-klasty motorsyz vagon. Ekinshisi de alty vagonnan turady. Biraq munda basqy vagon bireý ǵana, alaıda ol sapaly, 1-klasqa jatady. Munda da jolseriktiń kýpesi, sanýzelder qarastyrylǵan. Qalǵan vagondar birinshi poıyzdykimen birdeı.
Zaýyttaǵy poıyz qurastyrý alańy – 900 sharshy metr. Osy alańda elektrpoıyz qozǵaltqyshty ornatylady, basqa da ondaǵan qural-jabdyq, sonyń ishinde oryndyqtar men júksalǵyshtar qurastyrylyp, eń sońynda tapsyrys berýshige poıyzdyń júrýi synaqtan ótkiziledi. Kásiporynda 12 myń sharshy metrdi quraıtyn robottyń jumys isteýine arnalǵan ekinshi óndiris korpýsyn salý da qolǵa alynǵan. Oǵan tartylǵan ınvestısııa kólemi –
24 mlrd teńge.
PETROPAVL
