Foto: egemen.kz/ Erlan Omar
Makroekonomıkalyq sholýda boljam munaı baǵasy boıynsha alǵysharttyń tómendeýin eskere otyryp jasalǵany aıtylǵan. Brent markaly munaıdyń ortasha jyldyq baǵasy barreline 74,6 dollar bolady degen boljam bar.
Qańtar aıyndaǵy boljamda munaı baǵasy barreline $81 bolady dep boljanǵan edi.
«Alǵysharttyń $6,4 tómendeýi geosaıası táýekelderdiń kúsheıýine baılanysty. Atap aıtqanda Kanada, Meksıka jáne Qytaıdy qosa alǵanda, birqatar saýda seriktesterine qatysty ımporttyq tarıfter men baj salyqtaryn engizý týraly jarııalaǵan AQSh prezıdenti ákimshiliginiń áreketterine baılanysty», delingen sholýda.
Ulttyq valıýta baǵamy naýryzda nyǵaısa da sáýirde álsireı bastady. Birinshi toqsanda USD/KZT juby bir dollar úshin 510,17 teńge deńgeıinde qalyptasty. Sáýirdegi teńge álsireýi faktorlarynyń ishinde - munaı baǵasynyń quldyraýy da bar. О́z kezeginde, sáýirde Ulttyq banktiń valıýtalyq naryqtaǵy operasııalary bıýdjetke transfertterdi júzege asyrý sheńberinde teńgege qoldaý kórsetti.
29 sáýirdegi málimet boıynsha ulttyq valıýtanyń ortasha baǵamy 512,19 qurady. Almatynyń aıyrbastaýshylary dollardy ortasha eseppen 511,85-ke satyp alyp, 513,95-ke satady. Astanada 510-nan satyp alyp, 516-dan satady. Halyk Finance sarapshylary aıdyń sońynda baǵamdy 505-515 teńge shamasynda boljaǵan. Sarapshylar ulttyq valıýtaǵa qysym Ýkraınadaǵy jaǵdaı boıynsha kelissózderdiń uzaqqa sozylýy saldarynan reseılik rýbldiń álsireýinen bolýy múmkin ekenin jetkizdi.
