Foto: Úkimettiń baspasóz qyzmeti
Premer-mınıstrdiń orynbasary – Ulttyq ekonomıka mınıstri Serik Jumanǵarın qazirgi tańda memlekettiń ekonomıkadaǵy úlesin azaıtý jáne orta bıznestiń ishki jalpy ónimdegi (JIО́) úlesin arttyrý baǵytynda júıeli jumystar júrgizilip jatqanyn baıandady. Onyń aıtýynsha, aldaǵy ýaqytta memleket tek áleýmettik mańyzy bar jáne strategııalyq sektorlarda ǵana qatysatyn bolady.
Básekelestikti qorǵaý jáne damytý agenttiginiń tóraǵasy Marat Omarov óz kezeginde básekelestikti shekteıtin tosqaýyldardy joıýǵa baǵyttalǵan sharalar jóninde málimet berdi.
Otyrys qorytyndysynda 475 kásipkerlik sýbektini jekeshelendirýge, biriktirýge nemese taratylýǵa jatatyn nysandar tizimi bekitilgen. Bul jumys 2030 jylǵa deıin kezeń-kezeńimen júzege asyrylady, al kásiporyndardyń basym bóligi 2025–2026 jyldarǵa arnalǵan is-sharalar josparyna engizilgen.
Oljas Bektenov qabyldanǵan Jarlyqtyń ýaqytynda oryndalýy qajet ekenin basa aıtyp, jumystardyń únemi baqylaýda bolatynyn atap ótti.
