Aldaǵy kúnderi Qazaqstannyń aýa raıyn ońtústik sıklon anyqtaıdy. 6-8 mamyrda respýblıkanyń batysynda, soltústik-batysynda jáne soltústiginde, al 8 mamyrdan bastap ortalyq, shyǵys jáne ońtústik oblystarda jańbyr jaýyp, naızaǵaı oınap, keı jerlerde burshaq jaýýy múmkin.
6-7 mamyrda Batys Qazaqstan, Atyraý oblystarynda, 7 mamyrda Mańǵystaý oblysynda, 7-8 mamyrda Aqtóbe oblysynda qatty jaýyn-shashyn kútiledi. Sınoptıkterdiń boljamynsha, tek Qaraǵandy oblysynda jaýyn-shashynsyz aýa raıy saqtalady.
Elimizdiń ońtústik-batysynda, sondaı-aq 8 mamyrda ońtústik-shyǵysta shańdy daýyl soǵady.
6 mamyrda túnde jáne tańerteń Pavlodar, Abaı oblystarynda, sondaı-aq 6-7 mamyrda Shyǵys Qazaqstan oblysynda úsik júrýi múmkin.
Aýa temperatýrasy kúndiz qubylmaly bolady. Batysta 23-30-dan 21-26 gradýsqa deıin tómendeýi kútiledi. Elimizdiń soltústik-batysynda, soltústiginde jáne shyǵysynda aýa temperatýrasy 20-25 gradýstan 24-29 gradýsqa deıin kóteriledi. Respýblıkanyń ortalyǵynda aýa 27-35 gradýsqa deıin jylysa, ońtústik pen ońtústik-shyǵysta 38 gradýsqa deıin ystyq bolady dep kútiledi.
