Bul meıram – halqymyzdyń rýhyn jańǵyrtyp, eldik tarıhymyzdyń máńgilik paraǵyna altyn árippen jazylǵan kún. Qazaq halqy bul jeńiske erekshe erligimen, mańdaı terimen, janqııar eńbegimen óz úlesin qosty. Bul soǵys ulttyń jigeri men rýhyn synǵa salǵan kúrdeli kezeń boldy. Sol jyldary ár qazaqtyń shańyraǵyna soǵys syzaty tústi. Biri maıdan dalasynda oqqa keýdesin tossa, ekinshisi tylda tynymsyz eńbek etip jeńis kúnin jaqyndatýǵa óz úlesin qosty. Eńkeıgen qarııadan eńbektegen balaǵa deıin el bolashaǵy úshin aıanbaı ter tógip, nátıjesinde jeńis týy jelbirep, beıbit ómirdiń tańy atty. Otan kúzetinde turǵan, tynyshtyq pen tártip saqshysy bolyp júrgen «Ulttyq ulan» sarbazdary – sol maıdanger ata-ájelerdiń isin jalǵastyryp júrgen búgingi batyrlar.
«Búginde beıbit kúnniń ár tańy – sol bozdaqtardyń janqııarlyǵy men janpıda erliginiń jemisi. Jeńis jolynda qan keshken ata-babamyzdyń erligi – búgingi urpaqtyń rýhanı temirqazyǵyna aınalyp otyr. Árıne, jyldar ótken saıyn maıdangerler qatary azaıyp keledi. Alaıda olardyń erligi men eńbegi – el jadynda, ónegesi – urpaq sanasynda máńgi saqtalatynyna senemin» dedi general-maıor Bekaıdar Qazkeev.
