Bul týraly Qazaqstan Barysy Grand Slam týrnıri qarsańynda ótken baspasóz konferensııasynda uıymnyń referı-dırektory Armen Bagdasarov málimdedi.
— Eldos Smetov — kórnekti sportshy. Olımpıada chempıony, oıyndardyń júldegeri, álem chempıony. Biz ony óz komandamyzdyń qatarynan kórsek qýanar edik. Másele mynada, ókinishke qaraı, kóp chempıondar federasııada jumys istegisi kelmeıdi. Biraq eger ol qyzyǵýshylyq tanytyp, aǵylshyn tilin meńgerse — birden jaýapty laýazymdardan bastaımyz. Mundaı adamdarǵa biz árdaıym ashyqpyz, — dedi Bagdasarov Qazaqstan dzıýdo federasııasynyń baspasóz qyzmetine bergen suhbatynda.
Eldos Smetov 2024 jylǵy Parıj Olımpıadasynan keıin sporttaǵy mansabyn aıaqtady. Qazir ol Ulybrıtanııada, aǵylshyn tilin belsendi meńgerip júr. Bul qadam onyń halyqaralyq sport uıymdaryndaǵy qyzmetke aýysýyndaǵy mańyzdy kezeń bolýy múmkin.
Smetov — Qazaqstan tarıhyndaǵy eń ataqty dzıýdoshylardyń biri: Olımpıada chempıony, Olımpıada oıyndarynyń kúmis jáne qola júldegeri, álem jáne Azııa chempıony.
