Foto: Zakon.kz
Jyl basynan mınıstrliktiń aýmaqtyq departamentteri 1585 ákimshilik qaýly shyǵarǵan, onyń 396-sy jalpy somasy 24 mln teńge aıyppul, 1189-y eskertý.
QR-nyń Ákimshilik quqyq buzýshylyq týraly Kodeksiniń 204-4-babynyń talaptaryn iske asyrý sheńberinde (ÁMAT-qa 15%-dan astam saýda ústemesiniń mólsherin asyrǵany úshin) 1419 qaýly shyǵaryldy, onyń ishinde 18,2 mln teńge somasyna 239 aıyppul salynyp, 1180 eskertý jasaldy.
Máselen, kartopqa saýda ústemesin asyrǵany úshin 505 qaýly shyǵarylǵan, onyń 41-ine aıyppul salynyp, somasy 2,6 mln teńgeden asqan. Al 464-ine eskertý jasalǵan.
Atalǵan mınıstrliktiń Saýda komıtetiniń málimetinshe budan basqa, deldaldyq shemalardy tergeý jónindegi óńirlik komıssııalardyń qyzmeti sheńberinde ÁMAT taýarlaryn jetkizý tizbekteri boıynsha jyl basynan beri 303 otyrys ótip, qorytyndysy boıynsha ónimsiz deldaldardyń qatysýynyń 1164 jaǵdaıy jáne saýda ústemeleriniń asyp ketý faktileri anyqtalǵan. Osy jumystyń nátıjesinde 1079 ákimshilik qaýly shyǵaryldy, al 85 ónimsiz deldal jetkizý tizbeginen shyǵarylǵan.
