О́nertapqysh balalar Abaı oblysyna qarasty Aıagóz aýdany Qalalyq kópbeıindi qazaq mektep-gımnazııasynyń 8-synyp oqýshylary Ilıas Zakırov pen Dıas Dastanov. Olar kóktemgi erigen qar men jaýyn sýlarynyń bosqa ketetinin baıqap, olardy súzgiden ótkizý arqyly ýaqytsha aýyzsý kózine aınaldyrýdy usyndy. Súzgi turmysta da, qurylys alańynda da, tótenshe jaǵdaılarda da qoldanýǵa yńǵaıly.
Oqý-aǵartý mınıstrliginiń taratqan aqparatyna súıensek, qurylǵy bótelke, qum, usaq jáne iri tas, belsendirilgen kómir men maqta sekildi qoljetimdi zattardan turady. Ár qabatynyń óz qyzmeti bar: tastar – laıdan, kómir – ıisten, qum – bakterııalardan tazartady. Al maqta – sońǵy usaq qaldyqtardy súzip ótkizedi. Balalar súzgi arqyly sýdy 48%-ǵa deıin únemdeýge bolatynyn eseptep shyqqan.
Jobanyń jetekshisi Qantjan Bastosovanyń aıtýynsha, Ilıas pen Dıas ekologııa men IT baǵyttaryn biriktirip, bolashaqta osyndaı qoldanbaly qurylǵylardy jetildirýdi kózdep otyr.
«Biz bul súzgini kez kelgen adam tótenshe jaǵdaıda óz betinshe qoldana alatyndaı etip jasadyq. Qarapaıym zattardan paıdaly dúnıe qurastyrýǵa bolatynyn dáleldegimiz keldi», deıdi oqýshylar.
Qurylǵy aımaqtyq robototehnıka chempıonatta úzdik ondyqqa endi. Qazir oqýshylar súzgini IT tehnologııalarmen úılestirip, naqty ónimge aınaldyrýǵa kúsh salyp jatyr.
