Shymkent qalalyq densaýlyq saqtaý basqarmasynyń málimdeýinshe jýyrda shet elderde ota jasatyp, em qabyldaǵan biraq eshqandaı nátıje kórmegen 33 jastaǵy naýqasqa shahardaǵy №1 klınıkalyq aýrýhana dárigerleri qaıtadan kúrdeli operasııa jasapty. Bilikti mamandar naýqastyń ish qýysyndaǵy úlken isikti lımfa tamyrlaryn zaqymdamastan hırýrgııalyq jolmen alyp tastaǵan. Sonyń nátıjesinde naýqas ómirge qaıta kelgendeı boldy. О́ıtkeni bul isik onyń densaýlyǵyna ómirine úlken qater tóndirgen edi. Eger ony der kezinde alyp tastamaǵanda naýqastyń jaǵdaıy odan saıyn qıyndap keter edi. Ol ózin ajaldan arashalap alyp qalǵan «aq halatty abzal jandarǵa» úlken alǵys aıtady. Shetel kezip izdegen emi óz elinde tabylǵanyna qýanyshty. Sondyqtan ol Qazaqstannyń otandyq medısınasy búgingi tańda joǵary deńgeıde damyp kele jatqanyn jáne medısına qyzmetkerleriniń de biliktiligi jyl sanap ósip kele jatqanyn moıyndady.
Naýqas 2024 jyly Tashkent qalasynda birinshi operasııasyn jasatqan eken, sosyn Úndistanda konservatıvti em qabyldaǵan. Biraq joǵaryda aıtqanymyzdaı shetelde qansha jerden medısınalyq kómek alǵanymen, naýqastyń densaýlyǵy jaqsarmaı, kerisinshe, aýyrlaı túsken. Sońynda amal joq ózimizdegi aýrýhanaǵa kelip qaıta kóringen.
Shymkent qalalyq №1 klınıkalyq aýrýhana dárigerleri 33 jastaǵy azamatty tolyq tekserýden ótkizip ish qýysyndaǵy keńistikte (zabrıýshınnoe prostranstvo) ósken úlken isikti anyqtaǵan. Sodan keıin naýqas shuǵyl jaǵdaıda aýrýhananyń hırýrgııa bólimine jatqyzylady. Aldyn ala daıyndyqtan soń hırýrgter oǵan kúrdeli ári aýqymdy ota jasaıdy. Operasııanyń arqasynda isikpen birge lımfanyń da tamyrlary tazalanady. Naýqastyń búgingi tańda jaǵdaıy bir qalypty, birneshe kúnnen keıin úıine shyǵarsaq degen jospar bar deıdi dárigerler.
ShYMKENT
