Sonyń biri – Aqtaý qalasynan 36 shaqyrym jerde, jaǵajaı aýmaǵynda, tanymal «Zolotoe solnyshko» demalys bazasyna jaqyn jerden ashylǵan «Shahrıstan» demalys orny. Jeke kásipkerdiń qarjysyna shyǵys stılindegi sáýlettik naqyshtarmen árlenip salynǵan úsh qabatty keshende demalýshylarǵa barlyq jaǵdaı jasalǵan. Qonaqúıde aýmaǵy 25-ten 60 sharshy metrge deıingi 20 bólme bar jáne barlyq bólme zamanaýı jabdyqpen qamtamasyz etilgen. Sondaı-aq keshen ınfraqurylymynda 25 oryndyq meıramhana, 30 adamǵa arnalǵan VIP-zal, túrik hamamy, jazǵy kúrke, tegin avtoturaq bar, keshende táý-
lik boıy tirkeý qyzmeti jumys isteıdi.
Jańa demalys ornynyń taǵy bir ereksheligi týrısterge Mańǵystaý oblysynyń kıeli jáne tarıhı oryndaryna arnaıy týrlar uıymdastyrýdy usynady. Bul – «Ashyq aspan astyndaǵy murajaı» atanǵan Mańǵystaýdy aralap, tabıǵatymen, tarıhı eskertkishterimen tanysamyn degen qonaqtar úshin tamasha múmkindik.
Jańa týrıstik nysannyń saltanatty ashylý rásimine Mańǵystaý oblysy ákiminiń orynbasary Abbat О́risbaev qatysty.
– Memleket basshysy Qasym-Jomart Toqaev Mańǵystaý óńiriniń týrızm salasyn damytý jóninde naqty tapsyrmalar berdi. Búginde sol mindetter aıasynda óńirimizde jańa týrıstik nysandar boı kóterip jatyr. Teńiz jaǵalaýyndaǵy «Shahrıstan» qonaqúıi sheteldik kýrorttardan kem túspeıdi. Bul joba óńirdiń týrıstik tartymdylyǵyn arttyryp, kelýshiler leginiń artýyna septigin tıgizedi dep senemiz. Oblys ákimdigi mundaı bastamalardy árdaıym qoldaıdy, – dedi Abbat О́risbaev.
Jaz maýsymy bastalar aldynda jańa bir demalys ornymen tolyqqan Aqtaýǵa bıyl demalýshylar legi aǵylary anyq.
Mańǵystaý oblysy
