Taǵy bir ındýstrııalyq aımaq ashylady

Joba álemdegi eń iri qury­lys kor­porasııalarynyń biri — China State Construction Engineering Corporation (CSCEC) kompanııasymen birlesip júzege asyrylýda. 177 gektar aýmaqta 20-dan astam jańa óndiris oryndaryn ornalastyrý josparlanǵan. Jalpy, ınvestısııa kólemi 1 mlrd dollardy quraıdy. Bul «Qaıratty» elimizde eń iri kólemdegi qarjy men kásiporyndy bir mezgilde tartýǵa qol jetkizgen biregeı ındýstrııalyq aımaqqa aınaldyryp otyr.

Bir aıta keterligi, jobanyń ishki ınjenerlik ınfraqurylymy tolyq­taı ınvestorlar esebinen salynady. Al syrtqy jelilerdi tartý oblys ákimdiginiń mindetine jatady. Bul tásil memlekettik bıýdjetti aıtarlyqtaı únemdeýge múmkindik beredi. Mundaǵy maqsat – Geely avtokonserniniń qatysýymen mashına jasaý klasterin qurý. Avtomobıl komponentteri men toraptaryn jergilikti jerde óndirý josparlanǵan.

«Qaırat» jobasy – Memleket bas­shysy aıqyndaǵan strategııalyq maqsattarǵa tolyq sáıkes keledi. Biz zamanaýı ındýstrııalyq platforma qalyptastyryp, jańa jumys oryn­daryn ashyp, eksportty arttyryp, turaqty ekonomıkalyq ósimdi qam­tama­syz etýdemiz. 1 mıllıard dol­lar­lyq ınvestısııa – júıeli jumystyń jáne halyqaralyq áriptesterdiń se­ni­miniń nátıjesi. Búgin 20 kompanııanyń alǵashqysy óz jumysyn bastady. Bu­dan ári olardyń árqaısysynyń ju­my­­syn baqylap, ákimdik tarapynan qujattamalyq kómek kerek bolsa qoldaý kórsetemiz», dep atap ótti Almaty oblysynyń ákimi Marat Sultanǵazıev.

Búginde «Qaırat» ındýstrııalyq aımaǵynda birneshe kásiporyn, atap aıtsaq, jylý oqshaýlaǵysh materıal óndiretin «TehnoNIKOL Ortalyq Azııa», quıma ónimder shyǵaratyn «Safa Industrial», metız ónimderin óndi­retin «QazMetProduct», taý-ken salasyna arnalǵan komponentter jasaıtyn «Sunlong» jáne suıyq shyny shy­ǵaratyn «Hong Shun»  kompanııalary jumys isteıdi. Jalpy, ınvestısııa kóle­mi 146,7 mlrd teńgeden asyp, 3600-den as­tam jańa jumys orny ashyldy.

Indýstrııalyq aımaqtyń basshysy Erbol Shoqaev óz sózinde: «Qaırat» – bul jaı ǵana óndiristik alań emes, tolyqqandy ındýstrııalyq ekojúıe. Biz ınvestorlar úshin jobalardy jedel iske asyrýǵa barynsha qolaıly jaǵdaı jasap otyrmyz. Ákimshilik kedergilerdi azaıtyp, jan-jaqty qoldaý kórsetemiz», dedi.

Joba Almaty oblysyndaǵy jalpy kólemi 1786,7 gektardy quraıtyn alty ındýstrııalyq aımaqty damytý baǵdarlamasy aıasynda iske asyp jatyr. Sonymen qatar 96,6 myń gektar aýmaqta ornalasqan «Alataý» arnaıy ekonomıkalyq aımaǵyn damytý jalǵasýda. Munda 3,7 trln teńge ınves­tısııa tartylyp, 34 myń jumys orny ashylady dep josparlanǵan.

Almaty oblysy