Kezekti otyrys barysynda aıyptalýshylardyń biri — Nurbol Toqtaýbaev — burynǵy tergeý kezinde bergen jaýabynan bas tartty. Onyń aıtýynsha, Talǵardaǵy tergeý kezinde ózine qysym kórsetilip, kúsh qoldanylǵan. Ol ózine taǵylǵan aıyppen tek ishinara ǵana kelisetinin málimdedi.
Sot barysynda kýágerler túsirgen beınejazba usynyldy. Onda qaıǵyly sátterdiń naqty kórinisteri beınelengen: kómek surap aıqaılaǵan daýystar, jedel-járdem shaqyrýǵa tyrysqan adamdar, al jerde jatqan Sherzat pen Nurqanatqa Nurbol Toqtaýbaevtyń júgirip baryp, aıaýsyz tepken sátteri anyq baıqalady. Sonymen qatar, basqa aıyptalýshylardyń da soqqy jasap, myltyqpen urǵany kórinis tapty.
Osy oqıǵadan keıin aıyptalýshynyń inisi Azamat Toqtaýbaev kýálik berip, sottyń suraqtaryna jaýap berdi. Sot otyrysy barysynda aıyptalýshylardyń qorǵaýshylary isti qaıta tergeý úshin prokýratýraǵa qaıtarýdy surady. Alaıda sýdıa Erjan Januzaqov bul ótinishti qanaǵattandyrmady. Sonymen qatar, ol advokattarǵa úkim shyqqanǵa deıin sot prosesine qandaı da bir quqyqtyq baǵa berýge bolmaıtynyn eskertti.
Bul is qoǵam nazaryn ózine aýdarǵan rezonansty oqıǵalardyń biri bolyp otyr. Sot prosesi jalǵasýda.
