Mýzeıdiń qor saqtaýshysy Aıgúl О́mirbekovanyń aıtýynsha, 2011–2017 jyldar aralyǵynda júrgizilgen qazba jumystary kezinde kóptegen qundylyq qolǵa túsken. Olardyń ishinde ortaǵasyrlyq mádenıetke tıesili jádigerler de bar. Tabylǵan zattardyń basym bóligi qyshtan jasalǵan kórinedi.
«Bizdiń mýzeıde ár dáýirdiń kózindeı bolǵan qundy jádigerler az emes. Kóshpelilerdiń ómir saltyn kózge elestetetin qundylyqtar da sol qazba jumysy kezinde tabylǵan bolatyn. Olardyń qatarynda sýsyn quıýǵa arnalǵan mustahara bar. Jalpy, kóshpeliler áýeli ydys-aıaqty tek teriden, aǵashtan jasaǵanyn baıqaý qıyn emes. Sondaı-aq qyshtan jasalǵan ydystar da bar.
Myna mustahara – torsyqtyń bir túri. Saz balshyqpen jasalyp, aq angobpen jabylǵan. Bir qaraǵanda, beınesi kıiz úıdiń pishinin eske salady. Joǵary jaǵyndaǵy oıý-órnekke zer salyp qaraǵan adam tolqynnyń beınesin kóredi. Soǵan qarap-aq bul ydystyń sýsyn quıýǵa arnalǵanyn ańǵarý qıyn emes», deıdi A. О́mirbekova.
Ortaǵasyrlyq mádenıettiń kózindeı bolǵan jádiger torsyqtyń bir túri retinde paıdalanylǵan. Atqa qonǵan azamattar dál osy mustaharadan sýsyn iship, shól basqany talas týdyrmasa kerek.
Taraz
