Balyq sharýashylyǵy komıtetiniń baspasóz qyzmetinen málim etkendeı, maqsat – sý aıdyndarynda bekire jáne basqa da balyq túrlerin saqtaý, ýyldyryq shashýyna qolaıly jaǵdaı jasaý.
«Aýyl sharýashylyǵy, Ishki ister mınıstrlikteri men Ulttyq qaýipsizdik komıteti Jaıyq-Kaspıı basseıniniń sý aıdyndarynda «Bekire – 2025» keńaýqymdy balyq qorǵaý aksııasyn ótkizý týraly birlesken buıryqqa qol qoıǵan edi. Aksııa bastalǵan 1 sáýirden beri tabıǵatty qorǵaý zańnamasyn buzýdyń 884 deregi anyqtaldy. Zań buzǵan 680 adam ákimshilik jaýapkershilikke tartyldy. Brakonerlik, sırek kezdesetin, joıylyp bara jatqan balyq túrlerin zańsyz ustaý deregine qatysty 24 qylmystyq is qozǵaldy. Tártip buzýshylarǵa 15,9 mln teńge aıyppul salyndy», dep habarlady komıtetten.
Zańsyz aınalymnan 3 tonna 56 kılo balyq tárkilengen. Onyń ishinde 608 kılo bekire tuqymdas balyq túrleri, 2 kılo qara ýyldyryq bar. Sondaı-aq, 181 balyq aýlaý quraly men 32 sý kóligi alynǵan.
Atalaǵan aksııa 31 mamyryna deıin jalǵasady.
Atyraý oblysy
