О́ńir joldarynda kezekshilik etetin negizgi patrýldik avtokólikterden bólek, qosymsha beketter qoıyldy.
Polısııa qyzmetkerleriniń aıtýynsha, jol-kólik oqıǵalary jıilep ketýiniń basty sebebi – júrgizýshiler jol qozǵalysy erejelerin saqtaı bermeıdi. Jol tártibin buzǵandardyń ishinde jyldamdyqty asyrǵandar nemese jol ústinde qaýipti manevr jasaǵandar kóp kezdesedi.
«Qazir óńirde «Qaýipsiz jol» respýblıkalyq jedel-aldyn alý is-sharasy ótip jatyr. Basty mindet – jol erejesin jıi buzatyndardy anyqtaý. Sondaı-aq, júrgizýshilerge jol tártibin saqtaýdyń mańyzdy ekenin túsindirý. Jol-kólik oqıǵalarynyń sanyn azaıtyp, adam ómirin saqtaý. Biz barlyq jol qozǵalysyna qatysýshylardy jaýapkershilikke jáne erejelerdi saqtaýǵa shaqyramyz», deıdi Qostanaı oblysy PD patrýldik polısııa rotasynyń komandıri Eldar Súıindikov.
Qostanaı oblysy
