Foto: polisia.kz
Bul kórsetkishke avtojoldarda buzýshylyqtardy tirkeýdiń 500-ge jýyq kesheniniń jumys isteýi men joldardyń qaýipti ýchaskelerinde júris bóligin ýaqytsha taryltý tásili áser etken. Buzýshylyqtardy tirkeıtin qurylǵynyń 100-i jasyryn rejımde jumys istep tur.
«Atalǵan ádis birqatar shet elde óziniń tıimdiligin kórsetip, búginde Qazaqstanda sátti qoldanylýda. Joldy taryltý tásili Astana – Qaraǵandy, Astana – Pavlodar, Almaty – Bishkek, Samara – Shymkent, Aqtóbe – Astrahan sııaqty jáne basqa baǵyttardy qosa alǵanda respýblıkalyq trassalardyń 26 ýchaskesinde júzege asyrylyp jatyr», delingen mınıstrlik habarlamasynda.
Qozǵalys qarqyndy ýchaskelerde ortasha jyldamdyqty baqylaý engizilgen. Qazirgi ýaqytta 1900 shaqyrym qamtylsa, jaqyn arada taǵy myń shaqyrym qosylady.
IIM jol júrisi qaǵıdalaryn qasaqana buzýshylarmen belsendi kúres júrgizilip jatqanyn atap ótti. Ol úshin «Qorǵaý» arnaıy aqparattyq júıesi qoldanylady. Sonymen qatar qala ishinde jáne trassalarda táýlik boıy jol qozǵalysy erejelerin buzýdy tirkeıtin avtomatty kameralar jelisi belsendi damyp keledi.
