Is-sharaǵa Densaýlyq saqtaý mınıstrlikteriniń, memlekettik organdardyń ókilderi, Qazaqstan, Reseı, Qytaı, Ońtústik Koreıa, Eýropa elderi, Belarýs, Grýzııa, Tájikstan jáne basqa da memleketterden kelgen ǵylymı mekemelerdiń ǵalymdary men mamandary qatysty.
Konferensııanyń ashylýynda sóz sóılegen Qazaqstan Respýblıkasynyń Densaýlyq saqtaý mınıstri Aqmaral Álnazarova atalǵan ınstıtýttyń elimizdegi alǵashqy ǵylymı mekemelerdiń biri retinde tarıhı mańyzyn atap ótti.
«120 jyldan astam tarıhynda Qazaq veterınarııa ǵylymı-zertteý ınstıtýty veterınarııa, mal sharýashylyǵy jáne qoǵamdyq densaýlyq saqtaý salalarynyń damýyna zor úles qosty, brýsellez, sibir oıyq jarasy jáne aýsyl sııaqty asa qaýipti ınfeksııalyq aýrýlarǵa qarsy ondaǵan dıagnostıkalyq ádister, vaksınalar men dárilik zattar ázirledi», dedi mınıstr.
Konferensııanyń maqsaty — veterınarııa salasyndaǵy ǵylym men praktıkanyń arasyndaǵy yntymaqtastyqty nyǵaıtý, halyqaralyq áriptestikti damytý, bıologııalyq qaýipsizdikti qamtamasyz etý men ınnovasııalyq tehnologııalardy engizýdiń strategııalyq baǵyttaryn aıqyndaý.
Plenarlyq otyrys barysynda otandyq jáne sheteldik sarapshylar ǵylymı baıandamalar jasap, veterınarııa ǵylymynyń kelesi damý baǵyttaryn talqylady:
– janýarlardyń ınfeksııalyq, ınvazııalyq jáne ınfeksııalyq emes aýrýlaryn dıagnostıkalaý, profılaktıkasy jáne emdeý;
– bıologııalyq qaýipsizdik salasyndaǵy bıotehnologııalyq ınnovasııalar: zertteýden kommersııalaýǵa deıin;
– bıologııalyq jáne azyq-túlik qaýipsizdigi turǵysynan molekýlalyq bıologııa jáne mıkroorganızmder genomıkasy;
– veterınarııa ǵylymyndaǵy pánaralyq tásilder.
Sonymen qatar konferensııa sheńberinde ǵylymı jetistikter kórmesi men ınstıtýt tarıhyna arnalǵan mereıtoılyq kitaptyń tusaýkeseri ótti.
Qazaq veterınarııa ǵylymı-zertteý ınstıtýty 1905 jyly qurylǵan, elimizdegi eń kóne ǵylymı mekemelerdiń biri. 2023 jyldan bastap bul Instıtýt Qazaqstan Respýblıkasy Densaýlyq saqtaý mınıstrliginiń «QazBioPharm» ulttyq holdınginiń quramyna endi.
