ASTANA. 13 qańtar. «Nur Otan» partııasy Qazaly aýdandyq fılıalynyń tóraǵasy Bahyt Jahanovtyń jetekshiligimen partııanyń kezekten tys XVII konferensııasy ótti. Bul týraly egemen.kz tilshisi habarlady.
«Nur Otan» partııasy Qazaly aýdandyq fılıaly janyndaǵy «Jas Otan» Jastar qanatynyń atqarýshy hatshysy 2014 jyly atqarǵan jumystary men aldaǵy mindetteri týraly baıandady. Kez kelgen qoǵamnyń kóshbasshysy jastar ekendigi aqıqat. Bul rette jastar saıasatyna memleket tarapynan bildiretin qoldaýlar da qomaqty. О́tken jyly jastar saıasatyna 5 mln. teńge bólinse, bıylǵy jyly bul qarjy 10 mln.-ǵa jetti. Sondaı-aq, «Jastar praktıkasy» «Jasyl el» baǵdarlamalary da jastardy qoldaýǵa septigin tıgizýde. О́tken jyly jastardyń tvorchestvolyq qabiletin damytý, eńbekke tartý isterine erekshe kóńil bólgen «Jas Otan» JQ-y bıylǵy jyly da jastardy qoldaýdy jalǵastyra bermek.
Konferensııa barysynda belsendi jastar sóz alyp, óz pikirlerimen bólisti.
Baıandy bastamalar men irgeli isterdiń uıytqysy bolyp júrgen «Nur Otan» partııasy Qazaly aýdandyq fılıalynyń qoǵamdyq qabyldaý bólimine 2014-2015 jyly qańtar aılaryna 313 ótinish kelip túsken. Oń sheshimin tapqan ótinishter sany – 158-di qurap otyr. Esepti kezeńde barlyǵy 118 saıası-qoǵamdyq jumystar, áleýmettik aksııalar, ishkipartııalyq jumystar, jastar aksııasy, mádenı-kópshilik is-sharalar ótkizdi.
Konferensııa sońynda «Nur Otan» partııasy Qyzylorda oblystyq fılıalynyń kezekten tys XVII konferensııasyna delegattar saılaý ótkizildi.
Joldybaı Bazar.
Derek, sýret: egemen.kz.
