Altaı aımaqtyq dástúrli qytaı medısınasy aýrýhanasy – emdeý, shuǵyl kómek, ońaltý, bilim berý jáne ǵylymı zertteýdi biriktiretin úshinshi deńgeıli kópsalaly medısınalyq mekeme.
Aýrýhana ókilderiniń aıtýynsha, mekeme SUAA aýmaǵynda klınıkalyq qazaq medısınasy, dárilik zattardy ázirleý jáne mamandar daıarlaý salasynda jetekshi oryn alady.
Qazirgi ýaqytta aýrýhanada avtonomııalyq aýdannyń lısenzııasy bar 28 túrli aýrýhanaishilik óndiristegi dárilik preparat bar. Sonymen qatar, onda GE kompanııasynyń 64 tilimdi kompıýterlik tomografy, 1,5 Tl magnıtti-rezonanstyq tomografy, Philips kompanııasynyń joǵary sapaly ýltradybystyq zertteý qurylǵylary jáne Olympus torakolaparoskoptary sekildi zamanaýı jabdyqtar ornatylǵan.
Aýrýhanaǵa sapar qorytyndysy retinde maýsym aıynda ShQO dárigerleri úshin qytaılyq mamandardyń sheberlik sabaǵyn ótkizý týraly kelisimge qol jetkizildi. Budan bólek, О́skemen qalasynda qytaı halyq medısınasy boıynsha birlesken kásiporyn qurý josparlanyp jatyr.
