Foto: Ludovic Marin/REUTERS
Zelenskııdiń aıtýynsha, kelissózder Túrkııa, Vatıkan nemese Shveısarııada ótýi múmkin. Ol bul týraly brıfıng barysynda baıandaǵan.
Sondaı-aq Ýkraına basshysy eldiń Máskeý qoıǵan talaptarǵa kelispeıtinin, atap aıtqanda, óz aýmaǵynan áskerin shyǵarmaıtynyn jáne reseılik ýltımatýmdardy qabyldamaıtynyn naqty jetkizgen.
Zelenskıı Tramppen bir kúnde eki márte sóıleskenin atap ótti. Alǵashqy qońyraý barysynda atysty toqtatý máselesi jáne Reseı ony buzǵan jaǵdaıda AQSh-tyń jańa sanksııalarǵa daıyn ekendigi talqylanǵan. Ekinshi ret sóıleskende Zelenskıımen birge eýropalyq elderdiń kóshbasshylary da baılanysqa qosylǵan.
«Eger Reseı atysty toqtatýdan bas tartsa, tutqyndar men kepilge alynǵandardy bosatpasa jáne qısynsyz talaptar qoısa, bul Kremldiń soǵysty jalǵastyrýǵa múddeli ekenin kórsetedi. Mundaı jaǵdaıda halyqaralyq qaýymdastyq, ásirese Eýropa men Amerıka, qosymsha sanksııalarmen jaýap berýi kerek», delingen Telegram-arnada jazylǵan aqparatta.
О́z kezeginde Reseı prezıdenti Vladımır Pýtın Ýkraınamen tıisti kelisimder jasalǵan jaǵdaıda atysty toqtatýǵa daıyn ekenin bildirgen. Al AQSh prezıdenti Donald Tramp taraptardy soǵys týraly kelissózderdi múmkindiginshe tez bastaýǵa shaqyrǵan.
