Foto: Ashyq derekkóz
Mınıstrdiń aıtýynsha, bıyl 173 myń túlek kolledjdi támamdaıdy. Olardyń 123 myńy – jumysshy biliktiligin meńgergender, 27 myńy – dýaldy oqytý arqyly bilim alǵandar, al 10 myńy – naqty kásiporyndardyń suranysy boıynsha oqytylǵan mamandar.
«Jyl saıyn kolledj túlekterin jumysqa ornalastyrý kórsetkishi ósip jatyr: 2024 jyly túlekterdiń 81%-y jumyspen qamtyldy. Jumysshy mamandyqtary jyly aıasynda jumysshy mamandyqtardyń bedelin arttyrýǵa jáne kolledjderdiń bıznespen ózara is-qımylyna asa nazar aýdarylýda. Oqý jylynyń qorytyndysy boıynsha qamqorlyq kómek kórsetetin kásiporyndardyń sany 7 ese artty. Búgingi tańda 4 myńnan astam kásiporyn 662 kolledjge, ótken jyldyń qorytyndysy boıynsha 412 kolledjge 558 kásiporyn qamqorlyq kórsetip otyr», dedi mınıstr.
Sonymen qatar, alǵash ret «pedagog-kásibı baǵdarlaýshy» laýazymy resmı túrde engizilgen. 905 joǵary synyp oqýshysy mektepti aıaqtaýmen qatar jumysshy mamandyǵy boıynsha dıplom da alǵan. 2,5 mıllıon oqýshy kásibı baǵdarlaý sharalarymen qamtylǵan.
Bilim berý ınfraqurylymy da jańartylyp keledi. Atap aıtsaq, 104 kolledjdiń materıaldyq-tehnıkalyq bazasy jańartylyp, stýdentterge arnalǵan 2 myń oryndyq 8 jataqhana paıdalanýǵa berilgen. Sondaı-aq bıznes ókilderi 8 myńnan astam oqý baǵdarlamasyn ázirleýge qatysqan.
