Nurlan Uranhaev ónerkásip jáne qurylys salalaryna jetekshilik etetin bolady.
Nurlan Uranhaev 1987 jyly V.I. Lenın atyndaǵy Qazaq polıtehnıkalyq ınstıtýtyn «ınjener-mehanık» mamandyǵy boıynsha támamdaǵan. 2001 jyly Qazaq qarjy-ekonomıkalyq ınstıtýtynda «ekonomıst-menedjer» biliktiligin alǵan. 2006 jyly Shyǵys Qazaqstan memlekettik tehnıkalyq ýnıversıtetinde «ınjener-qurylysshy» mamandyǵy boıynsha bilim alǵan.
Eńbek jolyn 1987 jyly slesar-montajshy retinde bastap, keıin «Kazpromtehmontaj» tresiniń Semeı montaj basqarmasynda sheber jáne ýchaske proraby bolyp jumys istedi.
1990–2001 jyldar aralyǵynda birqatar kommersııalyq qurylymdarda basshylyq qyzmet atqardy: «Zerger» korporasııasy, «Akkýs» AQ, «Suńqar» JShS, «Kazırkýtskles» birlesken kásiporny.
2003 jyldan bastap memlekettik qyzmetke aýysty. ShQO-da energetıka, TKSh, qurylys jáne kólik basqarmalaryn basqardy, keıin Shyǵys Qazaqstan oblysy ákiminiń orynbasary boldy.
Budan bólek, ol QR TJM Memlekettik materıaldyq rezervter komıteti tóraǵasynyń orynbasary; QR Prezıdenti Ákimshiliginiń memlekettik ınspektory; QR Premer-mınıstri Keńsesiniń ındýstrııalyq-ınnovasııalyq damý bóliminde meńgerýshi orynbasary; Qyzylorda oblysy ákiminiń orynbasary; Tutynýshylar quqyqtaryn qorǵaý agenttigi tóraǵasynyń orynbasary; «QazQSǴZI» AQ bas dırektory; Almaty jáne Astana qalalarynda sáýlet jáne qala qurylysy basqarmalarynyń basshysy qyzmetterin atqardy.
2022 jylǵy maýsymnan 2025 jylǵy aqpanǵa deıin Abaı oblysynyń ákimi qyzmetin atqardy.
