«Eurasian Resources Group» (ERG) — tabıǵı resýrstardy óndirý men óńdeý, energetıka jáne logıstıka salalaryn biriktirgen álemdegi asa iri ári ártaraptandyrylǵan kompanııalardyń biri.
Forým korporatıvtik oqytýdyń zamanaýı úlgileri men ınnovasııalyq tásilderin ortaǵa salyp, kóshbasshylyqty damytý men kadrlyq áleýetti nyǵaıtý joldaryn saralaýdy kózdegen. Osy maqsatta halyqaralyq tájirıbeler men utymdy ádister tanystyrylyp, kásibı damýdyń zamanaýı trendteri keńinen talqylandy.
Jıynnyń negizgi spıkerleriniń biri – EFMD korporatıvtik servısteriniń dırektory doktor Martın Merle. Ol EFMD-diń jahandyq jelisi týraly aıta kelip, ERG-diń bastamasy elimizde ǵana emes, búkil Ortalyq Azııa aýmaǵynda korporatıvtik oqytýdy jańa sapaǵa kóterýge múmkindik beretinin aıtty. «Biz EFMD qaýymdastyǵynda korporatıvtik oqytýdy damytý arqyly kompanııalardyń tıimdiligin arttyra alatynymyzdy san márte dáleldedik. ERG-diń bul bastamasy – aımaq úshin mańyzdy serpilis», dedi doktor Merle.
Forýmda sóz alǵan ERG korporatıvtik ýnıversıtetiniń dırektory Valentına Satarova bilimge salynǵan ınvestısııanyń mańyzyn aıshyqtady: «Korporatıvtik oqytý – kásiptiń senimdi seriktesi. Biz ERG-de halyqaralyq standarttarǵa súıene otyryp, adam kapıtalyn turaqty túrde qarjy quıyp kelemiz. Bizdiń jol – damý joly», dedi ol senimmen.
Atalǵan kompanııanyń elimizdegi bas dırektory Serik Shahajanov ta korporatıvtik ýnıversıtettiń strategııalyq mánin erekshe atady: «Keıingi eki jylda 54 myńnan astam qyzmetkerimiz oqýdan ótti. Sımýlıatorlar men VR, úzdik halyqaralyq platformalar endirildi. EFMD-den alǵan eki birdeı marapat – bizdiń ujymdyq eńbegimizdiń nátıjesi», dedi.
ERG elimizde alǵash bolyp korporatıvtik oqytý ortalyǵyn ózge kompanııalar úshin de qoljetimdi etti. Toptyń bastamasymen búginde alty TKM kásipornynda zertteý júrgizilip, ortaq saraptama men benchmark bazasy qalyptasyp jatyr. Bıyldan bastap bul úrdis keńeıip, kásibı qaýymdastyq qoldaýymen aýqymdy jobaǵa aınalmaq.
ERG elimizde alǵashqylardyń biri bolyp korporatıvtik oqytý ortalyǵyn ózge kompanııalarǵa da ashyq usyndy. Top bastamasymen qazirdiń ózinde alty taý-ken metallýrgııa kásipornynda zertteý júrgizilip, ortaq taldaý men salystyrmaly baǵalaý bazasy qalyptasyp keledi. 2025 jyldan bastap bul úrdis kásibı qaýymdastyqtyń qoldaýyna ıe bolyp, aýqymdy salalyq jobaǵa aınalmaq.
