Qyzylorda oblysynda qylmystyq top ustaldy

ASTANA. 13 aqpan. Qyzylordalyq polıseıler mal urlaýmen aınalysqan qylmystyq topty qolǵa túsirdi. Bul týraly «QazAqparat» habarlady. Jýyrda 1992 jyly týǵan Shıeli aýdanynyń turǵyny, 1989 jylǵy Qyzylorda qalasynyń turǵyny ońaı jolmen aqsha tabý maqsatynda aldyn ala kelisimge kelip, Nissan Primera markaly avtokóligimen Qaraýyltóbe aýylyna barady. Osy aýyldyń turǵyny J.Q. esimdi azamattyń mal qorasynan 1 bas qoıyn kóliktiń júksalǵyshyna salyp, oqıǵa bolǵan jerden boı tasalaǵan. Olar bul qylmystarymen toqtamaı, qańtar aıynyń 28-ne qaraǵan túni joǵaryda kórsetilgen 2 azamat Tıtov qystaǵy turǵynynyń úı aýlasyndaǵy mal qorasynan 2 qoıdy jáne sol túni Qaraózek eldi mekeniniń turǵyny B.B. esimdi azamattyń jeke ıeligindegi mal qorasynan taǵy 2 bas qoı urlaǵan. Barlyq qylmystaryn kólikteriniń kómegimen iske asyryp, oqıǵa bolǵan jerden dereý boı tasalap otyrǵan. Josparlaǵan qylmystyq isterin budan ári jalǵastyryp, qastaryna ortaq tanystary – 1993 jyly týǵan M.B. esimdi azamatty qosyp alady. Úsh adamnan quralǵan qylmystyq top 2015 jyldyń aqpan aıynyń 5-ne qaraǵan túni Abaı aýyly turǵynynyń 2 bas qoıyn, Kókjıde aýyly turǵynynyń 1 taıynshasyn urlaǵan. Josparly isterin júzege asyryp kele jatqan jolda Qyzylorda QIIB-nyń Jol-patrýldi polısııa batalony qyzmetkerleri kúdik týdyrǵan avtokólikti toqtatyp, ustaǵan. Qazirgi tańda Shıeli aýdany, Sulýtóbe aýylynyń turǵyny M.M. esimdi jáne Qyzylorda qalasynyń turǵyndary A.M., M.B. esimdi azamattar kúdikti retinde ustalyp, Qyzylorda qalalyq IIB-nyń ýaqytsha ustaý abaqtysyna qamaldy. Tergeý jumystary barysynda, bul azamattardyń qatysýymen joǵaryda atalǵan qylmystardan bólek taǵy 6 mal urlyǵy Shıeli aýdanynda  jasalǵany anyqtaldy. Seziktiler oryn alǵan barlyq mal urlyǵy derekteri boıynsha kinálaryn moıyndap otyr. Sotqa deıingi tergep-tekserý amaldary júrgizilýde. Joldybaı Bazar. Derek, sýret: «QazAqparat».