Foto: Aqorda
Osyǵan baılanysty Ahmet Baıtursynuly atyndaǵy Qostanaı óńirlik ýnıversıteti (QО́Ý) men Dong-Eui University arasyndaǵy akademııalyq seriktestiktiń jańa kezeńi bastalady. Bıylǵy oqý jylynyń basynda eki joǵary oqý orny arasynda qos dıplomdy bilim berý týraly kelisimshart jasalǵan.
«Qyrkúıek aıynan bastap biz avtomobıl ınjenerııasy boıynsha qos dıplom baǵdarlamasyn júzege asyra bastaımyz. Alǵashqy úsh semestr stýdentter Qostanaıda oqıdy, tórtinshi men altynshy semestrlerdi Koreıada jalǵastyrady. Odan keıin stýdentter Qostanaıǵa tájirıbeden ótýge oralady», dedi Dong-Eui University halyqaralyq baılanystar jónindegi prorektory Lı Im Gon.
Qazirgi ýaqytta QО́Ý bes stýdenti Ońtústik Koreıanyń Pýsan qalasyndaǵy Dong-Eui University-de bilim alyp jatyr. Dong-Eui – Koreıanyń eń kóne jekemenshik joǵary oqý oryndarynyń biri. Ýnıversıtet mashına jasaý salasynda úlken tájirıbege ıe jáne álemge tanymal Hyundai avtokorporasııasymen tyǵyz yntymaqtastyqta jumys isteıdi.
2023 jyly eki joǵary oqý orny arasynda yntymaqtastyq týraly memorandýmǵa qol qoıylǵan bolatyn. Osy qujat aıasynda bıyl Ońtústik Koreıada stýdentterdiń úshinshi legi oqyp jatyr. Qostanaılyq stýdentter bul jerde kásibı bilim alyp, tájirıbeden ótip, koreı tilin meńgerip shyǵady. Buǵan deıingi eki lekke qatysqan stýdentter qazirgi tańda Qostanaıdaǵy avtoklaster kásiporyndarynda jumys istep júr.
«Biz qazir gıdromehanıkany oqyp jatyrmyz. Bul biz úshin jańa jáne óte qyzyq pán. Sonymen qatar jasandy ıntellektti meńgerýdemiz. Úshinshi pán – capstone design, ıaǵnı avtomobıl bólshekterin jobalaý. Bul pánder arqyly biz mamandyǵymyzǵa qajet asa mańyzdy daǵdylardy qalyptastyramyz», deıdi QО́Ý stýdenti Dııar Sertaev.
