«Osyǵan baılanysty Qonaev qalasynyń ákimdigi málimdeme jasady» - dep habarlaıdy Qonaev qalasy ákiminiń baspasóz qyzmeti.
«Barshaǵa málim, 2024 jyldyń 9 qańtarynda Alataý qalasy quryldy. Oǵan Qonaev qalasy aýmaǵyndaǵy Zarechnyı, Arna aýyldary tolyǵymen engizildi. Sáıkesinshe, qala halqynyń sany azaıdy. 2023 jyly Qonaev turǵyndarynyń sany 70512 bolsa, 2024 jyly bul kórsetkish 65024-ke tómendegen. Alaıda, halyq sany qaıta ósip kele jatyr, qazirgi kórsetkish 65934-ti qurap otyr. Osy sebepten, halyq arasynda «Oblys ortalyǵy ómir súrýge qolaısyz qala» degen jańsaq pikir týdyrmaýlaryńyzdy suraımyz», - dep jazdy ákimdik.
«Qonaevta kúndelikti mádenı, sporttyq sharalar ótip jatyr. Onyń ishinde jazǵy jáne qystyq drıft shoý, Oýshenmen, túrli marafondar, jarystar bar. Osynyń ózi-aq qalaǵa jan bitkenin kórsetedi. Turǵyndardyń demalýyna qolaıly orta jasalyp, deneshynyqtyrýshylardyń sany artqan. Onyń dáleli - Krossfıt alańy men jańa jaǵajaılar. Shomylý maýsymyna daıyndyq qyzý júrip jatyr. Investısııalyq jobalar da júzege asýda. Turǵyn úılerdiń qurylysy qarqyn aldy. Tizbektep aıta bersek, kóp árıne. Halyq sany azaıdy dep aıta salý – ońaı. El ishinde ne bolyp jatqanyna asa mán berý qajet», – deıdi qalalyq qoǵamdyq keńes tóraǵasy Sergeı Gorıanoı.
Taǵy bir pikirmen «PARYZ ERIKTILERI» jastar qoǵamdyq birlestiginiń tóraǵasy Ádilet Aıtqazy bólisti. Jas mamannyń sózinshe, qala halqynyń birligi bekem, tirshiligi taýdaı.
«Qonaev qalasynyń turǵyndary árqashan birlese qyzmet etedi. Ony azamattyq ustanymdarynan ańǵarýǵa bolady. Qaladaǵy máselelerdi kóterip, onyń sheshilýine bir kisideı atsalysady. Halyq sany mańyzdy shyǵar, alaıda, onyń kúndelikti tirshiligi odan da mańyzdyraq. Bas jospar boıynsha turǵyndar sany 200 myń bolady dep josparlanǵan. Qazirdiń ózinde 65 myńnan asyp tursaq, bul mejege tezarada jetemiz. Josparda anyqtalǵandaı, «Jańa Ile» aýmaǵy ıgerilip, Akademııalyq qalashyq salynsa, qonystanýshylardyń sany artyp, shahar damıdy. Qazirdiń ózinde damý qarqyny jaman emes», - dedi Ádilet Aıtqazy.
О́z kezeginde ákimdik ókilderi jalǵan aqparat taratyp, áleýmettik shıelenis týdyrǵany úshin QR zańnamalary sheńberinde jaýapkershilik qarastyrylǵanyn eske saldy.
Almaty oblysy.
