Foto: ashyq derekkóz
1-synyptan 11-synypqa deıin uıymdastyrylǵan tárbıe saǵaty «Bilimim – Otanyma» atty ortaq taqyryp aıasynda ótti. Synyp saǵaty barysynda oqýshylarǵa otanshyldyq rýhty oıatatyn, bilim men eńbekke degen qurmetti dáripteıtin baıandama jasalyp, qyzyqty oıyndar ótkizildi. Muǵalimder men synyp jetekshileri elge qyzmet etý, adaldyq pen jaýapkershilik syndy asyl qundylyqtardy oqýshylarǵa jete túsindirdi. Is-shara barysynda «Birtutas tárbıe» jobasynyń aıasynda oqýshylar arasynda ótkizilgen esse baıqaýynyń jeńimpazdary anyqtalyp, úzdik dep tanylǵan oqýshylar marapatqa ıe boldy.
«Búgin, mine, oqý jylynyń qorytyndysyn «Bilimim – Otanyma» synyp saǵatymen túıindedik. Synyp saǵatynda «Adal azamat» birtutas tárbıe baǵdarlamasynyń qundylyqtaryna basymdylyq berip, túrli formatta ótkizdik. О́tken aptadan beri bastalǵan esse baıqaýynyń nátıjesin shyǵaryp, úzdik jazylǵan jumystardy marapattadyq. Oqýshylarǵa tanymdyq kitaptar men fılmderdiń tizimi berilip, demalys kezin tıimdi ótkizý usynyldy. Qaýipsizdik sharalary boıynsha da aldyn ala jumystar júrgizilip, beınematerıaldar kórsetildi», dedi «Abaı Qunanbaıuly atyndaǵy №87 mektep-gımnazııa» dırektory Aıgúl Kashaeva.
Ár mektep túlegi bolashaqqa óz armanymen attanady. Biri ǵylym jolyn qalasa, endi biri óner men mádenıetke bet burady. Al endi biri – ustaz bolýdy ómirlik mıssııasy dep sanaıdy. Mektep túlegi Saıajan da – sondaı arman jetegindegi jastardyń biri. «Mektep meniń shyǵarmashylyq jolymdy ashyp, úlken shabyt syılady. Eki jyl ǵana oqysam da, osy shańyraqta alǵan tálim men tárbıe meni tulǵa retinde qalyptastyrdy. Bolashaqta qazaq tili men ádebıeti páni muǵalimi bolýdy tańdap otyrmyn. El bolashaǵyna qyzmet etetin ult ustazy bolý – basty maqsatym», deıdi 11-synyp oqýshysy S. Azamatqyzy.
Sonymen qatar synyp saǵatyna Astana qalalyq ádistemelik ortalyǵynyń mamany Gúlzıra Alıakbarovna arnaıy qatysyp, oqý jylyn úzdik aıaqtaǵan birqatar oqýshylarǵa gramotalar tabystady. Osylaısha oqýshylardyń bir jyl boıǵy eńbegi men jetistikteri baǵalandy. «Bilim bolashaqtyń bastaýy. Jyl boıy ótkizilgen barlyq synyp saǵaty tek tárbıe emes, oqýshynyń tulǵalyq damýyna yqpal etetin mańyzdy alańǵa aınaldy. Árbir saǵatta biz oqýshylardyń boıyna qundylyqtardy sińirip, ómirlik baǵyt berdik. Endi osy bilim men tárbıeni jazda oı ıeliginen ótkizip, kelesi jylǵa jańa maqsatpen oralsa, naǵyz jetistik osy», dedi G. Alıakbarova.
