Bul joly basty nazar jábirlenýshi tarap pen aıyptalýshylardyń bettestirý sátindegi beınematerıaldarǵa aýdaryldy. Atalǵan beınejazbalar istiń mán-jaıyn naqtylaýǵa múmkindik berdi.
Sot otyrysy barysynda marqum Sherzattyń denesine jasalǵan sot-medısınalyq saraptama qorytyndysy da tyńdaldy. Sarapshy Tahır Qalınazarovtyń aıtýynsha, jasóspirimniń sol jaq arqa tusyna uzyndyǵy 12 santımetr, eni 2 santımetr bolatyn ótkir, suǵylmaly-kesilmeli jaraqat salynǵan. Bul aýyr jaraqat saldarynan keýde qýysyna bir jarym lıtrge jýyq qan jınalyp, qaıǵyly jaǵdaımen aıaqtalǵan.
Marqumnyń jaqyndary men qoǵam belsendileri ádil sheshim shyǵýyn talap etip otyr. Bul is jurtshylyqty beı-jaı qaldyrǵan joq — jas ómirdiń qıylýy qoǵamda tereń oı salýda. Kelesi sot otyrysynda qosymsha aıǵaqtar men kýágerler tyńdalýy kútilýde.
Qoǵam ádilettiń ornaýyn kútýde.
